Solo intihsiaka tel te.

Group intihsiakna Solo neihdan phung :

Branch leh Bial a lo solo tawh te a theih hram chuan telh loh ni se, mipui hma a la zai ngailo thlan hram hram nise tia rawtna kan neih angin kumin kan solo intihsiakah hian hmel thar duhawm tak tak kan hmu hlawm a. Zai ngailo beisei aia zai thiam te an ni. Music hi De-Exodus Band @ Khawzawl Venglai Branch KTP ten live in an tihsak a ni. An chanchin tlangpui tarlang ang :

NL.C.LALNITHANGI : 

(C.Lalnithangi@Isaia Group *Zaithiam chhuak thar.......) Solo Intihsiakah 2-na a ni.

Nl C.Lalnithangi hi Pu Thangthuama fanu tlum ber niin Lalvengah an chhungkua in an khawsa mek a, A phak ang tawka rawngbawlna peng hrang hranga inhmang thin mi leh Pathian tih mi a ni. Tunah hian Isaia Group Secretary ni mek in Branch Committee member nilai a ni. Kohhran Zaipawl ah a telna pawh a lo rei ta a, Bial Zaipawl ah kumin hi a term thumna a hman kum a ni. Zaipawl rawngbawlna lamah kan chhuan ber te zinga mi ni mahse, Solo ang zawng hian a zai kan la hre ngai lova, tun hi a zai vawi khatna a ni. Aw lian soft deuh hmangin a zai a, a tawngkau chheh erawh aw sin kan tih ang chi a ni thung. Tun tum intihsiakna a a hmel kan han hmu hi beisei phak bak a ni a, House Band te nen an inman bawk a, ngaihthlak a nuam khawp mai. Kal zel mahse ngaihtuahawm lutuk a ni lovang tih a rin theih.

NL. LALDINGNGHETI :
Laldingngheti @Ezekiela Group * Solo intihsiaka 1-na, Zaithiam chhuak thar............

Nl. Laldingngheti hi Pu Lalpiantluanga fanu upa ber niin Kawn vengah an khawsa mek a, a phak ang tawka rawngbawlna ngai pawimawh mi a ni. Zirna avanga hmun dangah te a awm thin avangin kan zingah a tel tam lo hle a, Vawi khat chu hetiang intihsiakna ah hian a lo tel tawh nghe nghe a ni. Branch ang chuan zai turin kan la ruat ngai lem lo. Nula hmel tha leh fel tak a ni. Tun tum intihsiakah hian a hla thlan a fuh in a sa thiam em em a, hma a sawn hle tih a hriat theih. Beiseina sang tak kan nei.

NL. C.LALTLEIPUII (DUATI) :
C.Laltleipuii(Duati) @Jeremia Group Solo intihsiak 3-na hauhtu. Zaithiam chhuak thar tho....

Nl C.Laltleipuii hi Pu Lalmawia(L) fanu tlum ber niin kawn vengah an chhungkua in an khawsa mek a, Mal zaiah a hmel kan hmuh vawikhatna a ni. An chhungkua hi zai thiam chhungkua an nih avangin a zaithiam ve ringin an Group hian an rawn ruat ve chawih a nih hmel. An tisual lo hle mai. A zaithiam ngang mai. Zirlai a la nih avangin kan zingah a tel tam lo a, hnatlan leh activities hrang hrang ah a phak ang tawkah a tlanchhe ngai lo a ni. Aw mawi danglam bik tak a nei a, han inzir zel teh se.