Sermon : Aram leh a felna

Sermon : 
Aram leh a felna

(A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia. Matthaia 6:33)

Kan Bible chang han tarlan atang khian kan thusawi tur chu a chiang mai awm e. Kohhran ho te hi kan khawvel nun ah mamawh kan nei ve vek si a, kan thawk lo thei bawk si lo. Hetiang kan nitin mamawh hrang hrang kan thawhna kawng ah hian mi thenkhat chu Pathian mi kan nihna hi kan theihnghilh mai thin a, a pawi khawp mai.
Lal Isuan ‘A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u a nia’ a tih ang hian keini Kohhran hote pawh hian a ram leh a felna hi kan zawng hmasa zawk tur a ni dawn lawm ni? He lei kan damchhung tawi te ah hian in benbel leh awmhlen tum ang hrim in kan khawsa a, amaherawhchu, he lei hi chu kan khualzinna ram chauh a ni tih hi kan hriat chian a hun hle a ni. Nimahsela, Kan khawsak phung tibuai thei ang zawng leh rual awt ngawih ngawih chuan ringtute chu kan awm hauh tur a ni si lo. Amah ngaihtuah hman lo lekin ringtute kan awm tur a ni lo tih na a ni ti ila hriatthiam a awl mai awm e. Kan Pathian hian engkim a nei a, engkim hi ama siam a ni a, engkim hi ama ta a ni. A hriat loh leh min hriatpui loh hi engmah a nei lo. Chuvang chuan amah aia dah pawimawh leh chungnung reng reng a awm a phal hauh lova, min hmangaih a chatuana hrem kan nih a duh loh avangin chhandamna kawng pawh min hawnsak a ni. Amah ringtu te chuan chu chu kan hriat reng a pawimawh a ni.
Awle, a thu tawite kan han tarlan atang khian Kohhran hoten a thu leh kan nun ah hmasawn theuh i tum ang u. A thu kan tarlan te Lalpan kan za atan mal min sawmsak rawh se.. Amen.