KHAWZAWL VENGLAI KOHHRAN CHANCHIN TLANGPUI

PRESBYTERIAN KOHHRAN

KHAWZAWL VENGLAI

CHANCHIN TLANGPUI

                   Khawzawl Venglai Kohhran lo pian chhuah dan sawi dawn hian a hma lam (Venglai Kohhran din hma) thu tlem lo sawi hmasa ila.

                   Mizoram hi 1966-ah rambuai a puan kan ni a. He buaina kal zel avang hian Khawzawl khaw chheh vel khua te chu India sipai chakna leh thuneihna hmanga Khawzawla khawm luh (Group) kan ni a. Zaingen khua pawhDt.27,November, 1968 ah Khawzawl-ah hian khawm luh kan ni a. Zuchhip khua pawh Dt. 2,January,1969-ah khawm luh an ni.

                    Zaingen Kohhran hming la pu zel chungin Biak In a la awm loh avangin Upa Thandawla (L) te in-ah inkhawm thin ani a. Zuchhip kohhran pawh Pu Rengthuama Inah inkhawm a ni thin a, Zaingen Kohhran hian a hma thei ang bera Pathian Biak In neih a tul a tih avangin, tuna Venglai Biak In awmna hmun hi roreltu te hnenah an dil a. An dil angina pek an ni a. A rang thei ang bera Biak In sak zawh anih theih nan Zaingen Biak In chu angai ang thalpa sak theih turin a hmanrua te fel taka chhinchhiah in Khawzawlah phur thlengin Biak In sak ani ta a. Biak In sak zawh fel hma hret in, Zuchhip Kohhran Biak In hmun atana ruahman chu thuneitu(sipai) lamin an remtih tak loh avangin Zaingen Kohhran nena Biak In Pakhata lawi ho turin, Biakin sak lai mek chu a sir tawn tawnah zauh a nita a ni.

         

Kohhran Pahnih alawi thin kha Kohhran Pakhata awm ho a lo ngaih tak avangin Zaingen Kohhran leh Zuchhip Kohhrante nuai bovin KHAWZAWL VENGLAI KOHHRAN tih hming pu in, Kum 1969 khan alo ding tan ta a. Venglai Kohhran ah hian Zopui Kohhran pawh an rawn lut ve leh a,(Zopui khua hi Khawzawla khawm luh zingah an tel a ni.)

                   Kohhran hruaitu lam pawh Kohhran tina Upa te leh Tual Upa te chu Venglai Kohhran Hruaitu atan ruat leh pawm tlan an ni vek bawk a. Hun a lo kal hret a, Kohhran mite in hraitchian a lo nih tak chin Kum 1972 ah Kohhran Upate thawhpui tur Tual Upa thlan na hmasa ber neih a ni a. Tichuan Venglai Kohhranah chuan Upa 9 leh Tual Upa 10 neiin Kohhran chu dinhmun ngelnghet tak neiin a awm ta a ni.

                   Hun a lokal zel a, khua te a lo thang zel a, Kawnzar veng te a lo awm thar ta a, heng ah hian Venglai kohhrana mi te an awm thar zel avangin Inrinni zan leh Nilai zan Inkhawm hran te phalsak in hun eng e maw chen hetianga an awm hnu hian Kum 1982 March 28 –ah Venglai kohhran atangin Kawnzar kohhran hming pu in a lo indang ve ta a ni.

                   Sawi tawh ang in khua leh mihring kan lo pung chho zel a, Khawzawl Dinthar vengah kohhran din thei tur te an lo awm leh tak avangin Kum 1981 Frebuary  Ni 22, -ah Preaching Station din ani a, 1981 December Ni 14-ah Preaching Station chu kohhran puitlinga hlankai ni in Venglai kohhran atang chuan Khawzawl Dinthar kohhran hming puin a lo indang ve leh ta bawk a ni.

                                                          1

                   Khawzawl Venglai kohhran hi a din tirh phat atangin kohhran mite mize inanglo tak tak lawi khawmna a ni a, kohhran hruaitu leh mipui lam pawh inlungruallo taka awm a hlauhawm hle rualin, kohhran ho chu Pathian fate awm khawmna anih avangin Pathian thlarau thianghlim in Venglai kohhran hi a luah reng a, kohhran hruaitu te leh mipui lam pawh lungrual takin an awm a, amaherawh chu hetianga lungrual taka an kal zel lai hian Vanduaithlak takin thuhriltu then khat (Hmundang ami te) thuhrilna atangin Pathian thu pawm dan inanglo kohhran ho-ah alo awm tak avangin mi eng emaw zatin kum 1981 khan Venglai kohhran hi an chhuahsan a, sawi tawh angin Pathianin a kohhranho a hruai zel a, Pathianin ami teah hna thawkin thu a sawi zel avangin heng Venglai kohhran chhuahsan te pawh hian Kum 1993 khan pumkhat, rinna hmun khat leh Lalpa pakhat ni turin an lo lut leh a, (A lut bang tlem an awm chauh a) hei hian Venglai kohhran chu Lalpa’n a awmpui reng a ni tih a ti lang

chiang em em a ni.

                   Amaherawh chu hetianga lungrual taka a kal zel lai hian, vanduai thlak takin thuhriltu thenkhat (Hmun dang ami te) thu hrilna atangin Pathian thu pawm dan inanglo kohhranhoah alo awm tak avangin mi eng emaw zat in Kum 1981 khan venglai kohhran hi an chhuahsan a, sawi tawh angin Pathianin a kohhranho a hruai zel a, Pathianin a mi teah hna a thawkin thu a sawi zel avangin heng venglai kohhran chhuahsan te pawh hian kum 1993 khan  pumkhat, rinna hmunkhat leh Lalpa pakhat ni turin an lo lut leh a, (a lut bang tlem an awm chauh a) hei hian venglai kohhran chu Lalpan a awmpui reng ani tih a ti lang chiang em em a ni.

         

Awle, Venglai kohhran chanchinah hian sawihmaih hauh loh tur zingah Khawzawl awm tirh lam Kum 1969 atanga 1984 thlengin Khawzawl bial turin, Pastor pakhatin min bial a, 1985 atangin Bial hnih Venglai Pastor Bial leh Vengthar Pastor Bial ti a then kan lo nih taka tang chuan Khawzawl venglai kohhran chu Pastor Bial Centre atan Synodin a lo dah ta a ni. Venglai kohhran-ah hian Kohhran Upa senior tak tak ten an uap reng avangin kohhran ho tan a thlamuan thlak thin hle a. Mahse vanduaithlak takin Kohhran Upa Senior Paruk ten min boralsan tawh a ni.

                   Khawzawl venglai kohhran ah hian Kristian Thalai Pawl leh Kohhran Hmeichhia te hi adin tirh atangin nghet takin a la ding a. Heng te  avang hian Venglai kohhran hian hma a sawn hle a. Zaipawl lam pawh englai mahin an in thlahdul ngai lova, kohhran inkhawm min ti phuisui tu an ni reng thin.

                   Tin, Sunday sikul lamah hian Venglai klohhran hian vanneihna ropui tak, a din tirh phat atangin tun hun (2010) thleng hian dawn a nei a, Sunday Sikul Superintendent tur, mi bikmin siamsak reng mai avang hian Pathian thu-ah pawh Venglai kohhran mipui ten hma an sawn zel ni in a lang a, Mizo Sunday Sikul Union exam naah leh Naupang Sunday Sikul Inkhawmpui thlengin lawman an lak theih reng na hi Sunday Sikul tha aneih vang tih loh rual a nilo.

                   Tin, Venglai kohhran hian Ramthr Committee leh Bible Society (Local Comt.) din ani reng a. Hengah erawh hi chuantan lak angai hle reng a, kohhran ho tan lak thar angai hle. Hma lam pan chuan zawi zawi chuan a thang na a, a tiat pui kohhran erawh a phak lohna lai ni in a lang.

                   Dt.28.March,2007 khan Synod confirm nilo mahse Venglai kohhran Pavalai Pawl chu din a ni a, Pavalai Pawlah hian zu hmun sa hmuna miten piantharna neiin kohhranho tan an theih ang tawkin rawngbawlna an nei ve reng thin bawk a, inkhawm leh hnatlanna te, tawngtai inkhawm naah min ti phuisui hle thin bawk a ni.

Tun (2010) a Venglai Kohhran dinhmun chu hetiang a ni:

Venglai Kohhran anih tanna      -        Kum 1969

Member zat                             -                  952

Dan zawhkim zat                     -                  650

Kohhran Upa zat                     -                      5

Tual Upa zat                           -                      5

Kohhran chhungkaw zat           -                  197

Awm hlangna chhungkua          -                  190

Inawm pawlhna                       -                      7