COMMITTEE
KALPHUNG LEH ZEI ZIA
Committee tura kan thut
khawmin kan awmna leh kan kal chhan kan hriat a pawimawh hle. Committee hian
kalphung leh zei a nei ve a, chungte chu i lo thlir teh ang u –
1) Chairman address: Committee
kaihruaitu chu Chairman a ni a.
Chuvangin, Chairman hriatpuina leh remtihna chauhvin member-ten ngaihdan
an sawi thei a ni. Member tu pawhin ngaihdan sawi a duh chuan Chairman phalna a
la phawt tur a ni a, chumi atan chuan ‘Pu Chairman’ tia koh (address) tur a ni.
Chairman pawh ko (address) hmasa lova sawi ve ngawt a nih chuan thu tling lova
ngaih theih a ni. Chuvangin, Committee-a ngaihdan kan sawi dawnin Chairman
address hmasak ngei tur a ni.
2) Agenda chauh :Ngaihdan sawia kan dinin,
agenda kan chiang lo a nih chuan zawh fiah hreh loh tur a ni. Agenda-in a huam
loh thil sawi kual chiam loh tur a ni a, tawi fel leh chiang taka sawi aia mi
dangte rilru hneh theihna a awm chuang lo. Agenda bak sawi chiam hian \ul hlek
lovah Committee a tirei a, mi dangte tan a ninawm thei bawk.
3) Ngaihdan :Pawl thatna tura ngaihtuahna hmang tura ngaih
kan nih avangin kan ngaih dan dik tak sawi chhuah hi kan tih tur a ni. Tu
ngaihdan mah dik ziktluak leh tha famkim a awm bik lo va, ngun taka kan
sawihona atangin a tha chu a lo chhuak dawn a ni. Ngaihdan sawi tur hre lo,
ngawi tluanchhuak mai mai kan nih fo chuan member \angkai lo leh tih tur ti lo
kan ni mai. Tin, kan ngaihdan, sawi kan tum ang midangin an sawi tawh a niha,
belhchhah tur a awm hran tawh loh chuan a hranpaa dina sawi nawn ve leh kher a
\ul chuang lo va, ‘Chu mi kha miin a sawi ang kha ka thlawp e’ tih mai a tawk
hle.
Kan duh dan leh
ngaih dan lo zawnga rel thluk a nih pawhin rilru puitling takin ‘Pawl tan a \ha
zawk dawn a ni ang e’ tiin hahdam leh rilru nuam takin kan pawm thei tur a ni
a, a tihhlawhtlinna kawngah pawh theihtawp kan chhuah zui \hin tur a ni. Rel
ang kha a lo \ha tawk lo va, kan ngaihdan kha a lo dik zawk a nih pawhin mahni
thiam inchantirin Committee kan dem tur a ni lo. ‘Ka tih reng kha’ tih tawngkam hmang fo hruaitu nih hi pumpelh tur
a ni.
4) Tawngkam hman :Kan awmna leh
nihna hre rengin kan tawngkam hmanah kan fimkhur a pawimawh hle. Tawng chaltlai
leh dengkhawng tak hman loh hram tum tur a ni. Mi dang thu sawi kan hnial duh a nih pawhin, Tawngkam hawihhawm
lehdawn sawn nuam taka sawi dan ngaihtuah tur a ni. Entir nan - ‘Pu Chairman,
ka hmaa member sawi kha dikna chin thui tak a awmin ka hria a, kawng lehlamah
erawh chuan...’ tih ang deuhte pawhin sawi thin ni se. Amaherawhchu, hleihluak
taka hawihhawm chhuaha, mahni sawi mawi loh lam tur thui fe sawi kual duah hi
hun tireitu a ni a, a tawk hriat a tha. Tin, mi dang chanchin, a tha lo lam kan
sawi dawn a nih pawhin anmahni pawh awm ve ta se dawnsawn hahdam thei ang ber
tur ngaihtuah thin hi a tha hle. Duhthawh taka mi chanchin \ha lo lam sawi
chiam hi (anmahni awm ve lo mah se) a \ha chuang lo va, sawi loh theih loh
chin, rawngbawlna leh kan sawi chhan tana pawimawh chin chauh hawihhawm taka
sawi mai a \ha a, chu chu anmahniin an hre leh tur a ni hek lo. Tin, hminga
insawi ai chuan, nihna lama insawi hi a mawi zawk bawk. Entir nan: Lala kha Treasurer ni ta se, ‘Pu Lala sawi ang
khan’ tih ai chuan, ‘Kan Treasurer sawi ang khan’ tih te hi a mawi a ni.
5) Hun vawn dik :Committee \an hun tur bituk
saa \an ngei tur a ni. Kal tlai hi ropuina a ni lo tih hriat reng tur a ni a.
Mahni kan inmualpho bakah mi dangte zah lohna entirtu a ni. Chairman leh Secretary phei chu an tlai reng
reng tur a ni lo va, hun tiam a thlen chuan member kal tlem deuh mah se \an mai
tur a ni. Kal tlaite kan nghah hian hun tiam ngai pawimawhte kan hrem tihna a
ni a, kal tlaite kan pawisa zawk tihna a ni.
Harsatna bik avanga Committee-a kan tel thei dawn lo a
nih chuan tawngkain emaw, ziakin emaw fel taka chah tur a ni a, ngawi renga kal
loh ngawt hi chanvo ngaih pawimawh lohna leh zah lohna entirtu a ni.
6) Rilru pek: Committee hi
rorel khawl a ni a, pawl tih tur pawimawhte kan sawi hova kan relna a nih
avangin Committee chhungin thil dang engmah ngaihtuah pah loh tur a ni. Bula
thute nena thu dang lo sawi te, lehkha chhiar te, mutthluk te leh thil dang
reng reng tih loh tur a ni. Kan thu ngaihtuah lai, a tha thei ang bera rel
chhuak thei turin kan ngaihtuahna zawng zawng kan hmang tur a ni.
