VENGLAI BRANCH KTP GOLDEN JUBILEE SOUVENIR REVIEW - K. Lalthanzama

 Khawzawl Venglai Branch KTP Golden Jubilee kha ka ngaihhlut em avangin Souvenir Review-na thailan ve kan tum a ni.

Thuhma theh : A hmasaber atan Lungphun hawngtura ruat ka nih ka inhriatin ka ngaihtuahna a kal thui hle a. Hechanvo hi ropui ka tiin a hlu ka ti em em a ni. Ka rilru a lo laang hmasaber chu “Unaute u, a kohnache u hi ngaihtuah teh u, tisa lama mifing tam tak te koh an nih loh zia hi. Nimahsela Pathianin Khawvel thil a te chu a thlang zawk a” (I Kor 1:26-28)tih hi a ni.

 Bilble chhiarchhuah ruahman dan khan ropui ka ti a. KTP member zarual zetin a ruala Bible chhiarna an nei kha ropui ka ti a. Kohhran Committee pawhin Good Friday leh Krismas thlen dawnah mi 300 rual vek chhiar dan tur ruahman se, tawngtai rualna nen han chhiar ila, Kohhran hoah harh tharna a thlen ngei a beisei awm hle lawng maw? KTP pawhin chhunzawm leh zel sela ava tha dawn em?

SOUVENIR lam : A kawm design dam a fel fai a. A zahawm leh mawi tawk chauha colour a ni hi a va tha em. A bu hi ngun takin vawi hnih ka chiar chhuak a, a buatsaihtu ten mizo tawng ziah dan an thiam hle SL&PB kan ngai bik lo. An va fakawm em. Typing mistake ngaihpawimawhawm vak lo tlemte a awm chauh.

 Message ziaktu ten an nihna chiantaka hria a ziak an nih a lang chiang. An thuchah KTP ten bawhzui atan a tha hlawm hle.

 Venglai Br. KTP chanchin Secy. in a ziah hi kum 50 chhunga KTP te chet vel dan tawi fel, chiang sia a rawng tar chhuak thie hi a fakawm hle bawk. Chutih rualin 1969-1974 Minute Bu hmuh tur  a awmlo hi chu hruaitu hmasa te fimkhur loh vang a ni thei a, ngaihdam kan ngai hle. Tin, Venglai Kohhran in Library kan neih fumfe loh vang pawh a ni ang e.

 KTP leh Kohhran Zaipawl tihah hian thil an hre chianga sulhnu hlimawm leh chhuanawm tam tak thangtharte cho chhuak thei tur a rawn phochhuakhian entawn tur leh tan lak deuh deuh a tul zia a rawn tarlang thiam hi a fakawm hle mai.

 Tin, kan mi chhuanvawrte Rev. Vanroluaha leh Rev KM. Vanlalpeka te leh Missionary - Ramchhanngama, Lalduhawmi, HP. Zirsangeli leh Ricky Lalrempuia te nihna leh an rawngbawlna chanchin han hriat hi a ngaihnawm a, an ngaihsan awm bawk. Heng mite hian KTP te hi rawngbawlna kangah min cho chhuak setihhi ava duhawm em.

 Sermon leh Article a ropuiin a tha hle mai. Kohhran leh KTP ten kan vawn ngheh tlat atan a duhawm a, a ngaihnawm bawk si, Amaherawhchu pakhat ve ve chauh a ni a, hei ai hian tam deuh thei se chu Souvenir a ti hlu zual deuh awm mang e aw.

 Committee thurel thenkhat leh KTP sulhnu ngaihnawm tih ziaktu hi a fakawm e. Thil a lo chhinchhiah theih dan te hi KTP tifamkimtu pawmawh tak a ni. Mahni chauhva chhiar pawhin nuih ver verna tur a tam a a, a hlimawm khawp mai.

 A tawpber atan KTP chet velna thlalak hun rei deuh tawh a mi pawh vawnthat a lo ni zel hi in va fakawm em! Document pawimawh a la ni zel dawn a, vawng tha zel turin ka chah duh che u a ni.

 KTP hruaitu lo ni tawh te thlalakah khan Kohhran Upa an tam hle a KTP hruaitu nih laia Upa ni tawh chu Upa K. Lalzuia leh Upa PB. Lalhmingthanga te chauh an ni a. Tuna Upa lo ni chho ta te tar lan kan duh a nih chuan an Ordained kum kha tarlan ni mai sela a chi zawk lawngmaw? KTP atang hian Kohhran hruaitu tur chher chhuah an nih dan a chiang deuh zawkin a rinawm.

Golden Jubilee min hruai thlengtu
Lalpa chu fakin awm rawhse.