Synod Moderator, Rev. R. Lalhmingthanga chuan July 8, 2019 (Thawhtanni) khan Rs. 3,71,53,670/- senga sak Inter-Cultural Centre, Aizawl Theological College, Durtlang Leitan-a mi chu hman theih turin a hawng. He building duangtu Frederick Malsawmzuala’n a sak dan report a pe a. He Centre, square feet 19,159-a zau sak a ni.
Inter-Cultural Centre sak hna hi kum 2012 atang khan CWM Face to Face Inter-Cultural Centre tih hmingpua buaipui tan a ni a; a sak tan tak chu 2014 February kha a ni. He project hi Phase 1 leh Phase 2 tia then a ni a; tuna hman theiha sak zawh tak hi Phase 1 a ni. He Centre-ah hian floor 4 lai awmin, Guest Room 20, nuam leh changtlung tak bakah mi 120 lenna Seminar Room pathum a awm a; hengte bakah hian Lounge nuam tak te, Utility Room te, Kitchen leh mi 40 lenna Dinning Hall te pawh a awm a ni. Seminar Hall kawtah hian Reception Area zau tak zuah a ni bawk. Phase 2 hi Auditorium Project a ni thung a. Inter Cultural Centre chunga sak chhunzawm tura ruahman a ni. Mi 800 len theihna tura duan a ni.
No comments:
Post a Comment