TINUNGTU CHU THLARAU THIANGHLIM A NI (Tirhkohte2:1–4) - Rev C. Lalramchena

Mihringte nuna thil tangkai em em mai chu mobile phone hi a ni. Mobile phone hi atangkai khawp ma ia, mitin deuh thaw in kan kawl tawh a ni. Mobile phone hi kan lei chuan a hman nghal theih loh a, sim card te thun a ngai a, recharge a ngai a, tih nun a ngai thin a ni. Hetiang deuh hian ringtute pawh hi tih nun ngai kan ni a, ringtute neih ngei ngei tur chu Thlarau Thianghlim a ni.

THLARAU THIANGHLIM LEH PENTIKOS AWMZIA : Thlarau tih hi a tawng bul lamah chuan ‘thli che vel’ tih sawina a ni a, ‘nunna bulpui’ sawi nan hman a ni bawk. Thlarau Thianghlim chu Pathian a ni a, nunna lehchakna petu a ni. Thlarau Thianghlim chu Pathian leh Isua Krista atang a lo chhuak a ni a, Thlarau Thianghlim chuThlamuantu a ni a, hruaitu a ni bawk. Isua kan rin theihna chhan pawh hi Thlarau Thianghlim puihna avang chauh a ni. ‘Pentikos’ tih hi Grik tawng ‘pentekostos’ tih atang a lak, ‘sawmngana’ tihna a ni a, Easter Sunday atang a chhiar a ni sawmngana
a ni. Juda-ten Pentikos kut Sabbath(tuna kan inrinni) an hmang zo chiah a. Lal Isuan a tiam ang ngeiin a tuk (Sunday)-ah chuan Thlarau Thianghlim chu mak tak maiin thil tiththeihna nasa tak nen Jerusalem-a pindan chungnung a awmte chungah a lo thleng ta a ni.

THLARAU THIANGHLIM HNA THAWH : Thlarau Thianghlim hi Thuthlung Hlui tawngkam a ni lo a, Thuthlung Hlui hunah chuan Thlarautihte, Pathian Thlarau tihte in hman a ni fo thin. Heng hi Thlarau Thianghlim nen thuhmun vek a ni. Thlarau Thianghlim hi a chang chuan mimalah te a thawk thin a, a chang chuan mipui zingah te a thawk fo thin a ni.

i) Aigupta atang a Israel fate Mosia hmanga hruai chhuah an nihkhan Israel ho hruai chhuaktu ber chu Thlarau Thianghlim hi a ni. Thlarau Thianghlim chu hruaitu a ni.

ii) Thlarau Thianghlim chu fi nna leh thiamna petu a nia, Bible-a hming lang zing a mi fi ng ber Lal Solomona pawh kha fi nna leh thiamna petu chu Thlarau Thianghlim hi a ni.

iii) Thlarau Thianghlim chuan huaisenna leh chakna min pe. Bibleah hian mi chak tak pakhat a awm a, chu chu Samsona a ni. Lalpa thlarau chu Samsona chungah a lo thlen chuan nasa taka tih chak a ni a, sakeibakei pawh a pawt sawm vek mai a ni (Ror 14:5).

iv) Thlarau Thianghlim chu Thlamuantu a ni. Johana 14:27 ah chuan Lal Isua’n, “Thlamuanna ka hnutchhiah a che u, keima thlamuanna kape a cheu...in thinlung mangang suh se, hlauh pawh hlau suh se” a ti a ni. Thlarau Thianghlim chuan a huntakah ringtute min thlamuan thin.

v) Thlarau Thianghlim chuan harhna a thlen thin. Thlarau Thianghlim chuan mimal nun chau ngawih ngawihte a ti harh thin a, Kohhran ngui leh chaute hnenah pawh harhna a thlen tir thin. Tirhkohte Thiltihah chuan Penticostni ah harhna a thlenga, zirtirte ngui leh chau taka an awm laiin thawklehkhatah ri thlipui angin a lo thleng thut a, ringtute hnenah harhna a lo thleng ta a ni.

KHARNA : Sam 85:6-ah chuan, “I mite hi i chungah kan hlim theih nan, min tiharh leh dawn lawm ni?” tiin sam ziaktu chu harhna dilin a tawngtai a, he penticost niah pawh hian Kohhran hote hi Thlarau Thianghlim dila kan tawngtai a tul takzet a ni. Thlarau Thianghlim harhna thleng tur chuan a pawimawh ber chu keimahni theuh hi kan ni. Thlarau Thianghlim tih harhna hi englai pawhin kan mamawh reng a, a hlui a rin theih loha, athar zela tih harh ngai kan ni. Unauteu, chu Thlarau Thianghlim chu i neih theih nan tun hunah hian Thlarau Thianghlim chuan khawih che rawh se.