KHAWZAWL VENGLAI BRANCH KTP SPORTS – 2016 CHU TLUANG TAKA ZAWH A NI TA :

KHAWZAWL VENGLAI BRANCH KTP SPORTS – 2016 CHU TLUANG TAKA ZAWH A NI TA : 
Branch Committee in Kum 2016 chhunga sports neih dan tur a ruahman a. Indoor leh outdoor ah intihsiakna hrang hrang neih a ni a. Thlatin Bible Quiz hmangin Fellowshipnaah Group inel thin a ni bawk. Thla khat dan zelah Fellowshipnaah indoor hmanga inelna hi neih a ni a, kum kan tluan chu a nita mai a nih hi. Group intihsiakna kan neih apiangin member kaltamah inelna kan nei ziah bawk a ni.
A tlangpuia a landanin Indoor item hi a then kan inbuatsaihna a tha tawk lo hle a, item thenkhat erawh kan inbuatsaih thain en man a hla hle hlawm a ni. Outdoor hi Ni 26.11.2016 khan neih a ni a, Mualvawm field ah member thahnem tak in nilengin hun kan hmang a, chauh pawh kan chau tlang hlawm khawp ang le…
Mobile Phone chauh hman awihin Music Vedio Group tinin kan insiam siak a, Group member lang tam thei zawngin tih instruction chauh committee chuan kan in pe. Mobile phone hmang chuan mahni inzir chawpin Group tiin an han ti ta tak tak a, Sports kharna a kan han chhuah meuh chu kan hlimpuiin nuam kan ti tlang hle mai.
A pumpuiah Josefa Group pakhatna niin Mosia Group te pahnihna an ni a, Nova Group te pathumna an ni. Kan point pawh a inthlau lo hlawm hle mai.
Sports hlawhtling tak kan neih theihna turin Pathianin chakna min pe a, chu Pathian chakna ring chuan Group tinin thahnemngai takin theihtawp kan chhuah tlang a, a lawmawm hle mai. Pathian hnenah lawmthu kan sawi mawlh mawlh e.

2016 Krismas leh kumthar kohhran zaipawl inbuatsaihna

Kumin (2016) Krismas leh Kumthar vuak programme ah kohhran zaipawl ten hla 11 neih tum in an inruahman mek a. Tun atangin kohhran zaipawl ten ngawrh takin an zir a, nakinah KTP Member aduh apiang tan tel theih turin ruahmanna an siam a ni. KTP member eizawnna leh zirna avanga hmun hrang hranga awm te a duh apiangin te an tel ve theihna tur leh awlsam zawk a, an thiam ve zung zung theihna turin Kohhran zaipawl ten hla hi lo zir thiam sa an tum a ni. Thil lawmawm tak a ni.

*KOHHRAN TAWNGKAM THENKHATTE*

*KOHHRAN TAWNGKAM THENKHATTE*

Kohhran hrang hrangte hian tawngkam kan hman dan hi a inang vek lo a, Kohhran pawl khata awmte zingah pawh duhtui deuh leh duhtui lem lo a awm theih bawk. Heng a hnuaia mite hi Mizoram Presbyterian Kohhrante chuan Kohhran huang chhunga tawngkauchheh kan hman dan tlangpui a ni :-

_1. Tahrik ni hmingte : Pathianni, Thawhtanni, Thawhlehni, Nilaini, Ningani, Zirtawpni, Inrinni. Pathianni hi chawlhkar khata ni hmasa ber a ni tih hriat tlat tur a ni. Kohhran hun ruat hian kar hnih a khawih tel zel avangin 'Karleh Kohhran hun ruat' ti loin, *'Kohhran hun ruat'* tih mai a tha._
‎
_2. Upaten Lalpa Zanriah Sakramen an buatsaih a, Pastor/Minister ten an *theh* thin._

_3. Kohhran Committee-in thununna tling khawp Kohhran dan bawhchhia a hriatte chu a *thunun* thin._‎
_(Hetiang hi *phuar* emaw, *hnawt chhuak* emaw tia lam loh tur a ni. Hnawh chhuah chu Kohhran member nihna hlihsak hi a ni)._
‎
_4. Dan zawhkim tharte hi kohhranin la lut loin kan *lawm lut* thin._‎
‎
_5. Kohhran dan bawhchhia thununte hi lawm luh ni loin *lak luh* thin an ni._

_6. Kohhran dang atanga Tualchhung Kohhran pakhata pem te, Testimonial lehkha chhiarsakte hi Kohhranin a lo *dawngsawng* thin._

_7. Sande Sikul kan tih thin kha *Sunday School* tih a ni._

_8. Lalpa Zanriah Sakramen tia Mizo tawnga kan ziah thin hi Sunday School lamah chuan *Sacrament* Department tiin dah a ni._

_9. Pathian biak inkhawma Pathian thu kan sawi thin hi Thuchah ni loin *Thuhril* a ni._

_10. Inneih leh Mitthi vuinaah Thuhril kan ti ngai lo a, *Thuchah* kan ti thin._

_11. Minister/Upa thi an awmin In lamah *Thlahna* neih a ni a, Biak Inah kan *Vui* thin._

_12. Inrinni zanah Tawngtai ho kan nei ngai lo a, *Tawngtai rual* kan nei thin._

_13. Monu leh Mopa kan tih thin hi *Mo leh Moneitu* tih an ni._


*Source : CKTP thu zir (Presbyterian Kohhran Kalphung)*

NAUPANG LEHKHATHAWN

VANRAMAH KA KAL DAWN": NATNA ȚIHBAIAWMIN A NGAMLOH NAUPANG HUAISEN KUM 7 MIIN A THIH DAWNA A ȚHIANTE TANA A LEHKHATHAWN HNUTCHHIAH CHU
.
England, Stoke-a khawsa naupang kum 7 mi Marshall Clark-a chuan natna țihbaiawm tak 'nervous system' khawih chhetu 'Late Infantile Batten Disease' chu veiin, a rilru leh taksa namen lovin a sawisa rethei a, mahse tlâwm duh lovin huaisen takin a tawp rat thlengin a bei lêta, a thih dawn hnaih-a a țhiante tana a thuziak hnutchhiah ațangin thihna țihbaiawm meuh pawhin a ngam lo tih a hriat theih a ni.
.
2013 kum khân natna vâng leh nunrawng tak Batten Disease chu a vei a ni tih hmuhchhuah a ni a, hetih hunlai hian UK pûmpuiah he natna vei hi naupang 25 chauh an awm nghê nghê a ni. Naupang chumchiap mai mah nise, Marshall-a rilru paukhauhna leh chhelna hi a namailo hle a, a natna vei runthlak tak chuan a rilru leh taksa nasa taka a nghaisa rethei chho chungin, amah thlawp țha êm êm tu, a nu Lara Clarke leh a pi 'Nana' Elsie-i te fuihna leh puihna-in huaisen leh chhel takin a beileta, a tawp rat thlengin tlâwm duhlo tluan țhak mahse Oct 29 khân a natna nunrawng tak chuan a nunna a chhah sak ta a ni.
.
A boral hma lawkin a țhiante chhiar atan lehkhathawn a hnutchhiah a, tahchuan tihian sawiin..
.
Ka țhian duhtakte,
Hei hi helai hmuna ka thuchah(message) hnuhnung ber a ni tawh ang, a chhan chu he lehkhathawn hi in lo chhiar meuh chuan Vanramah ka awm daih tawh dawn a ni.
Ka pawiti lo, a chhan chu Nana(pi) in a chungchâng leh ka thlen huna thil nuam tak tak ka tih țeuh theih tur thute min hrilh lawk vek a ni.
Vanramah chuan inawmlemna tinrêng a awma, strawberry leh cupcakes te dulhmul khat thuarin ka ei leh thei tawh dawna, video en theiin, ka tlan kual zar zar thei tawh dawn bawk a ni.
Ka ngaihluat vang che u in ka ngui ruai ang tih ka hlauthawng țhina, mahse Nana-in mite'n min hmangaihna chu a chak êm a, ka kiang hnaia in awm reng ang maiin ka inhre dawn a ni a ti.
Nana-i'n mipa naupang piang tawh zawnga la huaisen ber min ti. Ka natna Batten disease in iPad khawih theilo leh mahni-a eitur inbarh theilo leh infiam theilova min siam hnu pawhin ka la nui sâng reng thei a, ka tlûk zut reng vang emaw chaw ka ei theih loh vanga ka puma tube an rawlh luh hial pawhin ka țap chhin eih lo.
Nana-i chuan ka chunga thilthlengte chu lungawi taka ka pawm thu min hrilh a ni.
Che theilo, țawng theilo leh khawhmu thei lova ka awm hnuin, in lehkha min thawnte Nana-i'n min chhiar chhuah sak țhina, nuam ka ti thei hle. Ka tan in awm renga, min thlamuanin min hmangaih a, ka thinlung chhungril tak ațangin lawmthu ka hrilh mawlh mawlh a che u. Mahse tunah chuan 'mangțha' ti-a ka thlahliam che u a ngai ta si.
Lots and lots of love to you all, your Marshall xxxx
.
Marshall-a hi a natna an hmuhchhuah ațanga thla 18 chhung lekin khaw hmu thei lovin leh țawng thei lovin a awm zui nghala, zan thim hlauhnate, kaih thut thut leh tha khurhnate nei chho bawkin, a natna chuan a nun a ti hrehawm takzet a, mahse a rilru tipaukhah tlatin a natna chu a runluih ngat ngata, a inbawhbet tir duh ngailova, lungawi leh hlim hmel a pu lui hrâm hrâm țhin a ni.
.
A hriselna a tlakhniam lama amah enkawl chawttu, a pi leh nurse hlui ni bawk, 'Nana' Elsie-i'n a sawidanin, nikhatah vawi 40 tawp te a tlu leh hnawk țhina, mahse a țap ngai eih lova, a sawisel ngai lova, a beidawng duh ngai heklo. A tluk zut reng avangin helmet a khum tawp țhin a ni. A kal theih loh hnuah pawh a la bawkvak ngat ngata, che theilo leh țawng theilova a khumbeh leh hnu pawhin a la nui lui hrâm hrâm tho a ni a ti.
.
Elsie-i hian a huaisenna leh tuarchhelna chu mak atih thu a sawi a, 'naupang duhawm leh huaisen, a naupan phu lova a natna pawm dam thiam" tiin a chungchang thu a sawi nghe nghe a, "A hringnun kha damlai hremhmun a ni a, tunah chuan a zalen ta" a ti bawk.
.
Naupang huaisen Marshall Clark-a ruang hi a pianchampha November 8-ah an vuiliam dawn a ni.
.
~~Joseph Lr Chhangte~~

KUM 2016 KHAWZAWL VENGLAI KOHHRAN ZAIPAWL HRUAITU LEH MEMBER TE:-

KUM 2016 KHAWZAWL VENGLAI KOHHRAN ZAIPAWL HRUAITU LEH MEMBER TE:-
Conviner : Pu B.Lalhlimpuia
Conductors : Pu Laldinsanga
Pu K.Lalramnghaka
F.Vanlalpeka
HMEICHHIA-
1. H Lallungawii
2. Rozampuii
3. Zoramlawmi
4. HP Lalnunfeli
5. Lalrinzauvi
6. K Lalpianmawii
7. C Lalnithangi
8. R Lalchhanhimi
9. Lalhunthari
10. Lalmuankimi
11. HP Lalvenhimi
12. K Lallawmawmi
13. Lalremtluangi
14. C Laltleipuii
15. Lalthatluangi
16. Zairemi
17. Lallungawii
18. Lalhruaitluangi
19. Jenet Zairemmawii
20. Mabiaki
21. K Lalpianmawii
22. H.Lalrinzuali
23. Lalramneihmawii
24. Labiakchhungi
25. Lalchhanhimi
Rodingliani
MIPA-
26. Pu C Lalnilawma
27. C Lalrindika
28. Pu Joel Vanlalroenga
29. Pu Vanlalchuana
30. Pu B Lalruatkima
31. Pu Lalnunkima
32. C Lalkhuma
33. Lalbiakfela Chhangte
34. Pu K Lalremkima
35. H Lalzuiliana
36. F Lalremruata
37. Ramfangzauva
38. Pu K Lalhruaitluanga
39. Pu K Lalmuankima
40. Pu K Lalnuntluanga
41. H Lalropuia
42. Lalringngheta
43. PB Vanlalhriata
44. K Lalthaduha
45. Lalrinngheta
46. Lalchhanhima
47. MS Dawngtharzela
48. PC Lalramtluanga
49. K Lalchhuanmawia
50. K Lalthankunga
51. Lalrinpuia
52. K Vanlalpeka
53. C Lalhruaitluanga
54. Pu Lalhmangaihsanga
55. Zonuntluanga
56. Lalruatfela (Aj-a)
57. C Lalkhawngaiha
58. Lalbiakdika
59. R.Lalmuankima

Presbyterian kohhran kalphung booklet zir

Zanin november ni 1,2016 (thawhleh zan) hian Venglai Branch KTP te chuan Presbyterian Kohhran kalphung thupui zir tur Central KTP in booklet a siam chu kan zir a, a manhla hle mai. Kan tuitlang viau mai.