Venglai Branch KTP-in Chakai meichher kan chhit e :

Venglai Branch KTP-in Chakai meichher kan chhit e :
 KTP nawmna em em na Chu branch dangte tihdan tha kan in entawn a kan ti ve thin hi niin ka hria. Gen. Conference -ah sumtuak dan hrang hrang kan han ngaithla a... Chakai meichher chhit a lo lan hian kan branch tih atan ka chak ve thin a, a nuam hian ka ring thin. Kumtir lam committee-ah rawtna lo lut angin committee-in kan han passed ve a. Rel a nih Lai atangin kan phur a, a nuam nghal phot. A Hun a lo thleng ta a member thahnem em em mai kan han thawkchhuak a. Member pakhatin chakai pakhat theuh pawh man ila cheng tam man a ni nghal. A pawisa lam kan hmuh tur ngaihtuah hauh lovin hlim takin Camera nen luiah chuan kan han kal ta a, kan hruaituten ruahmanna an Siam angin team te te in kan han vak ta sung sung mai a, a va nuam tehlul... kan luidung cover kha engchena thui nge ka hrethiam pha tawh lo. Km 10 chuang chu a ni awm e. Mahni hmun theuhah mahni chawfun leh mahni tuitih zawng tak chawhmeh kan fun te kan han thet a, kan han bar hawng hawng a, artui kan, Mai kan, nghalpui, phuihnam leh chingit tlak pawlh, alu kan, maipawl tlak, sawhthing, purunsen, hmarcha bawl, bekang um Leh thildang dang... Mahni tuitih zawng tak pai kan ni bawk a chawhmeh lam Chu item a tam khawp mai. Lungtenna awm hauh lovin kan chawhmeh pai theuh te chu hmun remlo takah kan inban pawlh suau suau mai kha a ni a, thiante an puar lovang tih hlauvin thenkhatin tunge chaw duh tiin an au lauh lauh reng a. Mahni aiin kan bula mite kan duhsak theuhna ruai kha khawvela ruai ropui ber ka ti lo thei lo. Lui kam mah nise chaw ei a va tui em!

Puar peng pawnga kan ei hnu chuan khua a thim dawn tan ta a, a ti thang deuhin tihdan tur practical ngeiin an han sawi a, chakai man tura kal chakai man ngamlo kan lo ther fur mai. Chakai man ngam lovi te kha a nuam ti ti leh te ring ring an han ni a, nuam tak a ni. Chakai man tur chuan kan han thawk chhuak ta a. A khat tawkin luia tlu ri burh burh hriat tur a awm deuh reng a. Lui hnar lama tui lo han ti nu tawk lah bo lo. Nuam ti takin luidung chu kan han kal ta sung sung a... Ka man ve pheuh pheuh zel a.

Mahni hmun theuh atang chuan kan han haw khawm a, kan han bun khawm chu leh! Karei! Chakai hlir mai hi kan bun khawm nia! A tawi zawngin ti tawh teh ang. Bazar aia tlawmin kan han zuar a, kan hralh thei khawp mai. A te deuh hralh tlak loh te AIUM atan kan han siam zui a. Rs 8,000 dawn lai mai Chakai man atangin kan han hmu a. A nuamin a hlimawm a, kum tina tih zel mai tur em ni ka hrethiam ta lo... Hahaaaa..... -B.Lalhlimpuia

KAN RAM ZAWLNEITE THUPUAN THLENG DIKTE

KAN RAM ZAWLNEITE THUPUAN THLENG DIKTE
Kan Ram Zawlneite hnen a Pathian lnlarna leh lnpuanna Dikzia hi lo chhut ve teh.
       Pu Darphawk'an Kum 1882-1885 inkar ah daih tawh khan Tuipui Ral,Tuifinriat Ral ațangin Mingo an lo kal anga an Thu lo ngai ang che u/ An Thusawi lo awih ang che u tiin Zoram Mipui te hrilhin a tlangau a.Chu a Tlangau leh a Thusawi chu kum 1894 ah ah alo thleng dik chaih mai.J.H.Lorraine Pu Buanga leh S.W .Savidge Sap Upa te an lo lang hlawl mai.Rev William Williams te,Zosaphluia,Zosapthara leh Midang dang te an lo kal ta.Darkhuang Tlangah Ruah thli leh Țek tla uai uai karah Pu Darphawka hnen ah hian Pathian a inpuang.Sinai tlanga Mosia hnena Pathian lnlarna leh lnpuanna nen khan a in ang hle a ni.Tin anmahni ln ah Pathian a hnen ah a lnpuang leh " Mihring Siamtu kan ni" ti in an hrilh.Pathian a hnen a lnpuanna leh lnlarna tam zawk hi a thleng dik tawh. A ni chuan Thimthuah-2 leh Zoram thar Țawngkam chu a hmang chiah lova,mahse Thimthuah-2 leh Zoram Thar ang deuh chu a hmu. Heti hian a sawi, " Nakin ah Zofa te kan thi zo deuh vek anga,adam chhuak leh dam chhun te,nuam takin an khawsa tawh ang" a ti.He lehkhabu hi HISSLAM President Pu Vanlalzuata te lo siam leh buatsaih a ni.
    Kum 1937 ah daih tawh khan Presbyterian Pastor Chhawna hnen ah Pathian a lnpuangin a lo lnlar daih tawh.
     Pathian in a hmuh tir te chu:1.KAN RAM RUANG-Kan Ram awmdan tur.
       2.LALTE RUANG- Lalho awmdan tur.
      3.HARHNA RUANG-Thlarau hnathawh dan tur.
       Mizo union Lal tur,Sorkar tur thu leh an Term an hman zawh loh tur thu an Symbol hmangin a sawi." Kan Ram ah Sai Liampui a lo kal a,a lo nget a" a ti.Mizo union hi an Term hmang zo lovin Conress ah an in pe/ merger a ni.PC Sorkar tur sawi nan leh Remna leh Muanna an sawi lo tur thu sawi nan heti hian a sawi." Kan Ram ah Arpa Lianpui mai a lo kal a,Mahse a khuang duh lo" a ti.PC Sorkar Pu Țhena Ministry a sawina a ni,Symbol ah Arpa an hmang.Pu Hawla Ministry Sawi nan Kutphah lo lang leh Number Remkhawm,Mitin hum a lo in ang fur a tih a hmang.MNF Sorkar Pu Laldenga Term reilo tur zia sawi nan " Sakei a lo kal a,a kal liam leh mai a" a ti.Pu Denga hun ah hian Sakei Election ah leh MNF  Symbol ah an hmang.Pu Zoramthanga Sorkar Term-2 sawi nan " Varparh Arsi a lo langa,Varparh Arsi a lo Eng zuala" a ti.
    Kan Ram a Lal ho,Sailo,Zadeng,Fanai.Zoram tlang hrang hranga Lalte an tlawm tur thu a sawi.
    Zoram Kohhran,Ringtu Dinhmun leh Harhna hrang hrang lo thlen tur thu a sawi bawk. A lo thleng dik zel.
   A Thupuan leh Pathian ațanga  lnlarna a hmuh la thleng lo tlemte te chu,Hnam Lirpui a lo nghing a,Lir a lo nghing a,Thimthuah-2 leh Zoram Thar-Zoram Nieng ti in a sawi.Thimthuah-2 chu heti hian a sawi." In awm dan in a zir chuan in kawl Eng țhin anga,in awmdan in a zir loh chuan Thimthuah-2 in a khuh leh dawn si che u a" a ti.
     Upa Saikhuma hian kum 1964,1965 kum khan kum 1966 a MNF ten lndependent an Puan avanga Rambuai tur Pathian ațangin hriattirna a lo dawng in a Puang a,a lo sawi lawk angin Mizoram chu kum 1966 March thla ațangin a buai ta a ni. "Pathian in nang chuan i hmu ve dawn lo" a ti a,chutiang ngei chuan Pu Saikhuma Chu Kum 1965 kum chanve vel khan a boral.
      Pathian in a hmuh tir tam zawk a thleng dik tawh a.La thleng lo te chu Thimthuah-2 leh Zoram Thar hi a ni mai.
     Kan Rama Thimthuah-2 leh Zoram Thar lo thleng tur Pathian in a hmuh tir an tam hle a.Chung zinga Langsar deuh deuh te.
     1.C.Vawra MA.MEd Mizoram Education hotu boral,mual liam tawh.
    2.Hranghnuna Țawngțai a thil hriattheihna Pathian in a Pek .A ni pawh a boral,mual a liam tawh.
   3.Zampuii W/ Dr.B.Thangdailova Khatla.Pathian lnpuanna Nunna bu tih a ziak. A bu
 chhung ah Zoram chhiat tur thu leh Dinthar leh tur thu a chuang.Pathian min ziah tir vek a ti.
    4.Lynda Zothanpuii W/0 Engeneer Robin Zotlang.Pathian in Thimthuah-2 leh Zoram Thar a hmuh tir avangin kum 2012 kum khan a entir nan Sialdum leh Sialvar talh in Chandmary YMA Hall a hun hman a ni a,MZU kawng lam ah Tanhril lam ah chumi hriatreng nan Lung aphun nghe  nghe ani heng lo pawh sawi tur tam tak ala awm,duhtawk rih mai ang .

ANGEL TEN LALPA LOKAL HNAIH TAWHZIA AN PUANG

ANGEL TEN LALPA LOKAL HNAIH 

TAWHZIA AN PUANG

********************************

Norway ram khaw pakhat Stavenger a mi tam takte mit hmuh ah van lamah khian chhinchhiahna mak tak mai chhum dum lianpui khawthlang lam atangin alo lang ruih mai a, alo hnai zel a, mei angin alo sen phut mai a. Chu chuan thil kual pum mai a rawn siam a, tah chuan, " Lalpa chu a lokal tep inpeih rawh" tih alo lang kulh mai a. Chumi hnuah chuan Angel thla var lian tak nei leh a sira Kross lian tak alo lang leh a, chumi hnuaiah chuan ' Amen' tih ziak alo lang bawk a. Chumi chhung zawng chuan a eng a, reilote hnuah chuan chhum lian takin a rawn hliah a,

a thim ta vek a. He thu hi mita hmutute ngeiin Stavenger Aftenbad nitin chanchinbu ah an chhuah a ni.

India ram Mumbai ah pawh Missionary Home a Kristian hmeichhe za rual lai pawhin tlaiah mual inkhawmna an neih laiin van lamah hawrawp chiang taka,

" Lalpa a lo kal thuai dawn " tih meialh a inziak an hmu bawk.

Tlai khat pawh hmeichhe pahnih tawngtai laiin vanah, " A kin ta, ka lo kal thuai dawn" tih lo lang ral leh ta mai an hmu bawk ani.

Sweeden rama mi 300 zankhuaa 

an tawngtai inkhawmna hmun ata lokir leh te chuan, thawklehkhatah vanah lehkha hawrawp lian taka " En rawh ka lo kal thuai dawn " tih inziak kutin a kawh du chu an hmu bawk ani.

Tin, German nu pakhat chhandamna thu la hre ngai reng renglo pawhin, Portland rama Oregon khua a choka a a hna 

a thawh laiin, thawklehkhata banga

" Isua a lo kal thuai dawn, kal la hrilh rawh " tih inziak lo lang phut chu a hmu bawk a. German ram vekah pawh nupa motor a tlan laiin, nu la naupan hmel deuh chu an la a, reilote ah chu nu chuan,

" Lalpa chu a lo kal thuai dawn " a ti zo chu a bo leh ta mai ani.

USA ram Boston kawnga nupa Car a

tlan lai pawhin, mipakhat la naupan hmel deuh, khabe hmul nei Hippi anga inchei si,lo chuan ve lo dil chu an phur a, 

a hnung seat ah an thuttir a, Car chu

a kal tan leh chiah tih ah chuan,

" Lalpa chu a lo kal thuai dawn " a ti a. Nupate chuan makti takin amah hmuh tum chuan hnunglam chu an hawi rual thawt mai a. Nimahsela,tumah reng hmuh tur alo awm tawh si lo. Car atanga

a chhuah lai an hmu bawk si lova,

hlau a khur zawih zawih chungin motor chawlhna hmun an thlen hmasak berah chuan an chhuk a. Engmah hlauhawm lo thleng tur pawh dawn chang lovin

an chunga thil lo thleng chu mite hnenah chuan an hrilh a. Station nghaktu chuan an thusawi a han ngaihthlak chuan,

nuih pawh a nui lova, ' He laia Car lo kal hetiang thu rawn sawitu zingah

a pangana in ni tawh' a lo ti then a.

Hemi kawng veka kal Pastor pakhat hnenah pawh, " Pastor Lal Isua lokal hi 

a hnai takzet tawh ani tih mipui hnenah hrilh rawh" a ti zo chu a ral leh mai bawk a ni.

Zankhat pawh Los Angeles nu pakhat hi kawngpui reh tak maiah Car in a tlan a, nu upa lam tawh tak kut lo phar chu a phur ve a. Chu nu chuan, " Lalpa chu a lo kal thuai dawn" a ti a, chhuk a dil nghal a, 

Car neitu chuan hetiang zanreh tawh takah engtinnge khawsakna a hmuh ang tia ngaihtuah rilru chungin, chu nu chu biak a han tum a, hmuh tur reng alo awm tawh si lo.

Philadelphia ah pawh mi pahnih Car a kal bawkin,mipakhat chuan ve lo dil chu

an phur a, an mi phurh chuan ,

" Lalpa chu a lokal thuai dawn" a ti zo chu hmuh theih lohvin a ral leh mai bawk a ni.

Kan ramah pawh Krista lokal lehna hnaih tawh zia hriat tirna dawng an lo tam khawp mai,chung zinga pahnih khat lek lo tar lang ila.akum zat chiah ka hre tawh lo LPS a ka hriat Sawleng naupang sikul naupang sikul kalpaha bethelte chuan lsua sakawr chunga chuang vanah an hmu a alo kal tep tawh thu hrilhin lnpeih ahun tawh thu an hrilh nghe nghe ani.tin chanmari naupangte pakhat pawh nasa takin atap atap thin a anu leh pa te pawhin angaihna ahre lo hle,atawp atawpah chuan chu naupangte chuan lsua alo kal tep thu sawiin lsuan apheikhawk abun tawh mek thu asawi bawk,Lal lsua lo kal ahnai tak tak tawh ani ang e,lnring renga awmin Pathian tawk turin i inpeih ang u.

Queensland ah pawh mi pahnih Car a kal bawkin, mi pahnih chuan ve lo dil chu

an la a, an mi phurhte chuan Lalpa lokal hnaih tawhzia an hrilh hnu chuan,

hmuh theih lovin an ral,bosan leh ta mai bawk ani.

PATHIANIN TUTE NGE A THLAN ? ILO THLIR ANG

PATHIANIN TUTE NGE A THLAN ? ILO THLIR ANG
Pathian tan i tling ve loah i in ngai a nih chuan hengte hi Pathianin a thlan te chu anni:
1.Zu ruih hmang Noa.
2.Tar lutuk tawh Abrahama.
3.Dawt sawi hmang Jakoba.
4.Dangâwk Mosia.
5.Mi dawihzep Gideona.
6.Hmeichhe thlem thluk theih Samsona.
7.Naupang lutuk Jeremia leh Timothea.
8.Nawhchizuar Rahabi.
9.Uire hmang leh tualthattu Davida.
10.Mahni intihhlum duh Eliza.
11.Pathian tlanbo santu Jona.
12.Hmeithai Naomi.
13.Neih zawng zawng chân Joba.
14.Isua phatsantu Petera.
15.Isua mutthlúk santu Zirtirte.
16.Pasal eng emaw zat nei tawh Samari hmeichhia.
17.Pa tawi tak Zakaia.
18.Kristiante nghaisatu Paula.
19.Mithi tawh Lazara.
Pathian tan hian chhuanlam a awm thei lo.Arawng bawl turin
ala nghak reng che asin.Tun christmas lo thleng turah hian chhuanlam siamin ila pen san hram dawn em ni?

MIZORAMA RAMHMUL DAMDAWI FINFIAH TAWH 17 (INDIA SORKAR IN PAWMPUI TE) (Source: Ayush Dept.Govt. of Mizoram)

MIZORAMA RAMHMUL DAMDAWI FINFIAH TAWH 17
(INDIA SORKAR IN PAWMPUI TE)
(Source: Ayush Dept.Govt. of Mizoram)


💮🍡💮🍡💮🍡


1. Kawldai (Adusa) : Hliam, Pem/ Pan,  Sikserh, Ngawr/TB, Mitliam, Khuh, Khuhhip, Thawchham, Ruhseh, santen, Hnarthi, Ek thi, Luak Thi, Mitna.

2. Thuamriat (Saptaparna) : Hliam/Pem, Santen, Malaria, Khawsikpui, Thawchham, Thisensang.

3. Khamdamdawi / Pandamdawi (Pashnabheda) : Pumna, Vawksa eisual, Chakna damdawi, Khawsik, Kawkhawh, Chuap bawr vel tha lo, Kala lungte awm, Khawihli, Mitvun chunglam durh.

4. Kumtluang (Sadabahar) : Khuaiseh, Cancer,  Lungphur thak, Pumpui chakna, Rulhut hlo.

5. Sumbul (Akeu): Awmna, Pumna leh Kana, Rulhuthlo, Bengkherh, Zunin,Thichhuak dan nan.

6. Lambak (Mandookpami): Thisensang, Zunthlum, Tai pan, Mitna leh mit chaklo, Santen, Vun natna, Thinlian.

7. Kaihzawl (Aksi): Pumpuina, Santen benvawn, Kal cancer, Asthma, Thisensang.

8 & 9. Sarzuk/Sunhlu (Ghiwain/Amla) : Chhultang, Hlumnatna, Nauchhiat, Hmaiduk, hlingtang, Chhukchaklo, Chuapro, Santen, Sakawr ekhrik tenau, Mitliam, Lungthalo, Khuh, Mawngmirh, Thawpik, Thisen tlem, Ka chhung natna, Kang,  Mitna/Mitthak.

10. Thlanvawng (Gambhari) : Khawsik, khuh, phurthak, thilpaitawih theilo tan.

11. Herhse (Nagkesar) : Pem naran, Thichhuak danna, pumpui chakna, santen, pumthip, ruhseh leh khuh.

12. Japanhlo (Guago) : Pem, kawthalo, santen, khawsik leh sikserh, cancer, pumna leh luak, luphut.

13. Vakep (Himalayan Mussendra): Rulchuk damdawi, vun pan leh lawng, khuh.

14. Archangkawm (Syonaka): Kawkhawh leh santen, lungna, taina, thinlian, rulhuthlo, ruhseh leh thawknadawt thalo.

15. Mualhawih (Ashoka) Thinei mumal lo tan, Zunkawng thalo tan, Zunthlum.

16. Samtawkte (Indian night shade): Awmvel, Kang, hana, Rannung tur nei seh, Hnarthi, Pan, mitliam, Thisen sang, Naupang kaih.

17. Anhling (Makoy) : Kala lungte awm, Zunin, Latla benvawn, Mitna, zuntitamtu.

Mizoram ah hian Ramhmul damdawi a tam tih a ni fo a, test kal mek pawh a awm nual. Heng 17 te hi engtia ei / hman tur nge phei chu ka hre vek hauh lo. Ka rawn post chhawng mai a nia. Heng bak hi hriat kan la nei teuh a ni thei e. Han sawibelh teh u le.

Whatsapp te a lo awm ta a... blog poh tloh a khat ta raih mai..... tan kan han la thar deh ang e aw...