Khawzawl Venglai Branch member Lucknow 'S' Biakin sa a work camp-a kalte chu tluang takin an rawn thleng ta e.

Khawzawl Venglai Branch member Lucknow 'S' Biakin sa a work camp-a kalte chu tluang takin an rawn thleng ta e. Pathian hnenah lawmthu kan sawi mawlh mawlh e. Nakkum lam hian Synod-in Pastor Quarters Fund a pek theih chuan Pastor Quarters sak tur a awm leh dawn a, hemi sa tur hian member te lo inralring ila a tha awm e. 

LUCKNOW SOUTH BIAK IN SA IN KHAWZAWL VENGLAI BRANCH K.T.P WORK CAMP NEIH MEK A NI

Lucknow South Pastor, Pastor Lalmuanpuia'n min rawn sawm angin Lucknow South Biakin sa in Khawzawl Venglai Branch K.T.P member pathum Branch Committee tirhin kan member heng mite hi an thawk chhuak thla : 1) Pu Lalchhuanliana 2) Tv Lalrinngheta  3) Tv Zodinmawia

Work Camp neih hmaa Biak In awm dan

Heng Work Camp a chhuakte hi vawikhatmah a tua mah phai an la kal lova, hruaitu awm lovin anmahniin Pathian rinchhanin an chhuak a, Lucknow 'S' Pastor leh Branch O.B ten ruahmanna kan siam angin an kal a, an tluang lutuk lo na a, Tawngtaina chhang thintu Pathian in kan tawngtaina a chhan avangte, Khawzawl Venglai Bialtu Pastor Rev H.Lalzuiliana'n theihtawp min chhuahpuina avangte in Pathianin a hun takah a hmun takah a hruai thlenga, Lalpa chu fakin awm rawh se.

 

A laia ding pathumte hi an ni a. L-R : Zodinmawia, Lalrinngheta, Lalchhuanliana

HNA AN THAWK TAN TA : An hnathawh tan dan kan sawi hmain an kal chhan tlem han sawi hmasa leh lawk ila, Lucknow 'S' Biakin hi sak mek a ni a, Lucknow hmuna awm Vai Mistiri te ruaiin an sa thin a ni. Amaherawhchu, an mistiri rawih thinte hian an thawhchak sak duhvak lova, Ni 24.8.2014 Pathianni ah Naupang Inkhawmpui an thleng dawn bawk si a, khawmpui an thlen hma a a hungna (Fencing) tal zawh hman an duh vanga hmanhmawh ta an ni. Tichuan Biakin sak hna chu an thawk tan ta a, Naupang khawmpui hma chuan an tum ang leh beisei ang chu tihhlawhtlin a lo ni ta a ni.

Fencing an zo a, Biak In hmalam tur pawh an Plaster zo tawh bawk

Tichuan Vawiin Ni 7.9.2014 Pathianni thleng hian an la awm a, Biak In chung Slap te chhung zo zelin Lucknow 'S' ah hian a tul chen chen cham turin heng kan member duhawm tak tak te hi an la cham mek a ni. Khawlum hri kan tih mai khawihli ang deuh bawl lian leh pan in a bawm/ tibuai ve a, i tawngtaipui zel ang u. An rawn haw ah chanchin kimchang an rawn tarlang leh dawn nia.

Lucknow 'S' Biakin sak lai mek (a hnung lam)

  

BEIHRUAL HMAN TAN DAN -  By Laldawnkimi, Archivist, Synod Office THUHMA  : Kum 1894-ah Chanchintha kan dawng a,   kum 1906-ah Harhna tum khatna a lo chhuak a,  a tum hnihna pawh  kum 1913 ah a lo chhuak leh a, ringtu an  pung hle. Mahse    hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse,  mi engemawzat rinnaa mi nghet leh rinawm an awm  a, phurna hloh mahse thahnemngaihna hloh lovin an thawk zel a.  He Harhna hnua Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a tuar nghal a, 1917-a Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. ( Mizo Kohhran Chanchin  Rev. Saiaithanga phek 54-56, 58)  BEIHRUAL NEIH A NI TA :  Hetih lai hian Mizoram Hmar chan  pum pui hi Khasi Synod hnuaiah Presbytery pakhat  kan ni a,  kum khatah vawi hnih ( March & Oct ) Inkhawmpui  an nei thin a, March 15 - 18, 1918  Presbytery Inkhawmpui Aijal-a neih chuan hetiangin a rel a             “ Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran ho tan a, in tih chak na tur leh in tih thianghlimna leh in tih ngah lawk na atan kan hmang theuh ang a, tin, thla chawhnu lam chu ringlo te tan a hman tur ani ang, mi hruai hram  turin. Tin, Kohhran tin in an thawh-zia dan theuh tur an ngaihtuah ang”.                         (Presby. 1918  No.10,    Kristian Tlangau  May 1918  phek 94 )            Rev. Sandia pawhin hetiang hian hriattirna a chhuah a-             Hmar-Chan Presbytery thil-tih chhiar ilang-in, thil pawimawh em em an ruat a ni. Tun June thla chhung hian Hmarchan khaw-tin-ah Pathian Ram tizau turin leh Isua mi zawng zawng tithianghlim turin kan beirual ang. Hetiang-in tunlai-in India ram pumpui-ah an ti mek a ni. Malsawmna tam tak an hmu tawh a ni.  Tin, unaute u, heng thil hi hriatreng a tul a ni. Kan beihrualna hi ti tha tur leh Pathian hming ti-ropui turin, heng thil hi i ti ang u :-             a) Nashatak-in tawngtai-in Pathian malsawmna kan dil tur a ni, June thla hma pawhin rei fe an.             b)  Kan ngaihtuah fo tur a ni.             c) Kan in-en tur a ni. Kan rilru kan buatshaih tur ani. Sualna zep ilangin malsawmna a dal ang. Isua hnena fel takin kan inpe tur a ni.             d) Engtinnge beihrualna hi kan tanpui theih ang, kan ngaihtuah tur ani. Tin, a tumna ber kan  hre reng tur a ni. Hapta hnih hmasa chhungin, kohhranho mi ti-harh leh ti-thianghlim turin kan beihram ang. Tin, chu mi hnuah chuan  awihlote hnena kal-in kan bei-rual ang. Heng thil pahnih hi kan Pathian duh zawng ani tih kan hria. Taimatakin i ti ang u. Tin, kan Kohhranho tin in malsawmna ropuitak an hmu ang tih kan beisei. Beihrual thatna tur chu tawngtaiin i dil fo ang u.  (Kristian Tlangau  May 1918  phek 99)             Hemi tuma an hman dan   Lalhnawka khua Lungsum leh  Lalzika khua te chuan an report bawk a, a ngaihnawm hle ( Kristian Tlangau  Sept 1918 phek 172, 180)  Aizawl hmuna an hman dan report  Sandia Sap leh Liangkhaia te ziak hetiang ani:             “..... June nikhat zan  atang khan inkhawm kan lo tan ta a, Pathian in mal min shawm shak a, keini Kohhran a mawi lovin kan inkhawm chu kan lo hlim ta hle mai a, zan khat zan a pang chuan inkhawm kham lovin kan lo tin ta hial mai a; chumi Kohhran chhunga inkhawm chhung chuan, mi in ah emaw, Biakin ah emaw inkhawm mah ila, kan hlim hle fo thin a, uar hauh lova shawi pawhin hlim reng rengin kan tum tla,  tih theih a ni e.             Tin, thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan “Inpumpekna lehkha” an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit theuh mai a “Tun hma lam ai kha chuan ka va bei nasha deuh tawh dawn em” kan ti rilru theuh a ni. Tin, thu shawi zawh a chuan “In-pum-pek thawh-lawm” an ti a,thawh-lawm kan upa ten an khawn bawk a, chu tah pawh chuan ni dang ai chuan kan thawh tam  zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei tan ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk theuh kan bei a. Pathian in chakna min pek avangin tumahin hlau lo leh zak lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni...........” Khaw hrang hrang atanga Beihrual  vanga hming pe thar   mi 344  an ni.    ( Kristian Tlangau  Oct. 1918 phek 194-195)               Hetianga  June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery  chuan  “Beihrualna hi awm leh sela kan ti tlang a, kum 1919  September a ni ang, a tih dan tur chu hmana mi ang  bawk khan a ni ang”. tiin a rel leh ta a ni ( Presby.  Oct. 1918    No.11 )              Ringtuten thahnemngai taka an tawngtaina leh an beihna chu Pathianin mal a sawm a, kum 1919 ah chuan Harhna tum thumna a  lo thleng leh ta nghe nghe a nih kha.  HMAN HUN :   Kum 1918 ah June ,  1919 leh 1920 ah September, 1921 ah January ,1922 - 1924 ah April thlaah te  hman thina ni a, mumal taka September thla kan hman hi 1925  atangin a nih hmel  e. (Presby. Oct. 1920 No.25,  Oct. 1921 No.33, Assembly  1925  Jan No. 18)  THU ZIR  : Standing Com. rel angin kum 1937 atangin ram pum huap thu zir bik siam tan niin a lang, “ Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject  chu Insumna thu lam nise” (SC  dt.28.6.1937  No.7).  Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Hapta hmasa ber Ramthar hapta hi 1981 atanga hman tan a ni a, Hapta lina Kristian Chhungkaw hapta hi 1983 atanga hman tan a ni.   BEIHRUAL THLA  HMAN  DAN  TIHDANGLAM  RAWTNA:             Aizawl West Presbytery-in Beihrual thla hman dan tihdanglam  a rawtna   chu 2001 Synod chuan tha tiin SEC bawhzui turin a dah a ( 2001 Synod Gen.5)  Questionaire-te siama  ngaihdan hrang hrangte lakkhawm anih hnuah tihdanglam dan tur hetiang hian rel a ni :             1)  Beihrual hi September thlaah hmang zel ila.             2) Tualchhung Kohhranin remchang leh tha atih angin Biak in leh in lamah hman pawlh thin a ni ang.             3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang.             4) Mahni Kohhran tan tangkai leh sawt zawka hmang duhte tan zau zawka zalenna pek a ni ang.             5) Kan Kohhran hmalakna pawimawh - Kristian Chhungkua, Ramthar leh vantlang nun siamthatna ( Social concern) lam thilte hi hlamchhiah loh tur a ni ang.                                                                                     ( SEC 185: 7;   SEC 186:7;   SEC 187:29)

KRISTIAN THALAI PAWL

KHAWZAWL VENGLAI BRANCH

KUM 2014 CHHUNGA RAWNGBAWLTUTE

1.     KTP INKHAWM HRUAITUTE:-

1)    Tv C.Tlanghmingthanga   2) T.Upa F. Lalbiakkima  3)      Pu B.Lalruatkima

4)    Pu Laldinsanga                   5) Pu B. Lalhlimpuia          6)      Pu C.Lalnilawma

7) Pu K.Lalnuntluanga        8) Nl H.Lallungawii                 9)      Pu K.Lalremkima

10)  Tv K.Lalchhanchhuaha      11) Nl C.Rozampuii                12)    Nl HP Lalnunfeli

13) Nl Zoramlawmi

2.     K.T.P INKHAWM (Thawhtan zan-a) THUCHAH SAWITUTE:-

1) Tv C.Tlanghmingthanga     2)  Pu B.Lalruatkima           3)      Pu B. Lalhlimpuia

4)  Pu Laldinsanga             5)  Pu C.Lalnilawma             6) Pu K.Lalnuntluanga      

7) T.Upa F.Lalbiakkima    8)  Tv K. Lalchhanchhuaha        9)      Nl  H. Lallungawii

10) Pu J. Lalramdinthara    11) Pu K.Lalremkima              12)    Nl C.Rozampuii

13)Rev.H.Lalzuiliana    14)Upa PB Lalhmingthanga  15) T.Upa Pachhunga Chhangte 16)Pu Vanlalchuana           17) Nl Zoramlawmi                 18) Nl HP Lalnunfeli

3.     K.T.P FELLOWSHIP-A HRUAITUTE:-

1)    Tv C.Lalrindika             2)  Tv F.Lalremruata               3)      Nl K.Lalhmunzauvi

4)    Tv H.Lalropuia              5)  Nl Remlalnghaki                 6)      Pu Vanlalchuana

7)  Nl Lalrinzauvi                8)  Tv K.Lalramnghaka                     9)      Pu K.Lalmuankima

10) Tv Lalnunkima             11)Nl C.Lalnithangi

4.     KTP FELLOWSHIP-A SHORT-SERMON NEI TE:-

1)    Nl Remlalnghaki            2)  Tv F.Lalremruata               3)      Tv Lalnunkima

4)  Nl K.Lalhmunzauvi       5)  Nl C.Lalnithangi                 6)      Pu C.Zoramchhana

7)  Tv C.Lalrindika             8)  Tv H.Lalropuia                   9)      Nl Lalrinzauvi

10)Nl HP Saihmingliani      11)Nl K.Vanlallawmi              12)    Pu K.Lalmuankima

13)Tv F.Vanlalpeka           14)Nl Lalhunthari                    15)    Tv Zodinmawia

16)Tv K.Lalramnghaka      17)Tv Lalringngheta              18)    Nl Lalhmangaihthangi

19)Nl Lalmuankimi            20)Nl R.Lalchhanhimi             21)    Tv K.Lalhruaitluanga

22)Tv Lalrinngheta         23)Tv Joseph Vanlalnghaka    24)    Tv PH Tlanglawmpuia

5.     K.T.P INKHAWM (Thawhtan zan-a) TANTUTE:-

1)  Nl Remlalnghaki            2)  Tv F.Lalremruata               3)      Tv Lalnunkima

4)  Nl K.Lalhmunzauvi       5)  Nl C.Lalnithangi                 6)      Pu C.Zoramchhana

7)  Tv C.Lalrindika             8)  Tv H.Lalropuia                   9)      Nl Lalrinzauvi

10)Nl HP Saihmingliani      11)Nl K.Vanlallawmi              12)    Pu K.Lalmuankima

13)Tv F.Vanlalpeka           14)Nl Lalhunthari                    15)    Tv Zodinmawia

16)Tv K.Lalramnghaka      17)Tv Lalringngheta              18)    Nl Lalhmangaihthangi

19)Nl Lalmuankimi            20)Nl R.Lalchhanhimi             21)    Tv K.Lalhruaitluanga

22)Tv Lalrinngheta          23) Nl Lalrinmuani                  24)    Tv PH Tlanglawmpuia

25) Nl Lianhlupuii         26) Nl Lalrambuatsaihi                27)    Nl F.Lalrodingpuii

28) Nl Rothangpuii             29) Nl Lalnuntawmi                30)    Nl Zairemi

31) Nl K.Lallawmawmi      32) Nl Vanlalzuati

6.  KTP FELLOWSHIP-A TANTUTE:-

1)    Nl HP Lalvenhimi          2)  Nl Lalrinfeli                 3)    Nl Ramluahpuii

4)  Nl Lalhmangaihdawngi  5)  Nl T.Lalhruaitluangi      6)      Nl Lallungawii

7)  Nl C.Laltleipuii              8)  Tv Lalrozuala              9)    Nl JH Lalrintluangi

10)Nl Jenet Zairemmawii    11)Nl F.Lalrodingliani      12)  Nl Lalvensangi

13)Nl R.Lalvenhimi            14)Nl R.Lalhlimpuii        

7.     KOHHRAN INKHAWM-A THILPEK  LAKHAWMTUTE:-

1)    Nl H. Lalramnghaki       2) Nl C. Lalnithangi          3)    Nl Lianhlupuii

4)  Nl C. Rozampuii            5)  Nl F.Malsawmtluangi  6)    Nl Zoramlawmi

7)  Nl K. Lalhmunzauvi      8)  Nl H.Lallungawii         9)    Nl Remlalnghaki

10)Nl Lalrinzauvi               11) Nl HP Lalnunfeli        12)  Nl HP Saihmingliani     

13)Nl Lalhunthari               14)Nl K.Vanlallawmi       15)  Nl Lalhmangaihthangi

16) Nl Lalmuankimi           17)Nl Lalthangkimi          18)  Nl Lalrinmuani

19)Nl R.Lalchhanhimi        20) Nl F.Lalrodingpuii

8.     KOHHRAN INKHAWM-A ZAI HRUAITUTE / KHUANGPU:-

1)    Tv C.Tlanghmingthanga  2)   Pu B.Lalhlimpuia    3)   T.Upa Pachhunga Chhangte

4)  Pu B.Lalruatkima          5)  Pu Laldinsanga            6)    Pu J. Lalramdinthara    

7)  Pu C. Laldingliana         8)  Pu K. Lalthuama         9)    Pu C. Lalnilawma

10) Tv K. Lalchhanchuaha 11) Pu R.Laltlankima       12)  Pu K.Lalnuntluanga

13) Tv K.Lalramnghaka

9.      KOHHRAN INKHAWM-A THILPEK CHHIARTUTE:-

1)    Tv C. Lalrindika            2)  Tv F. Lalremruata       3)    Pu Vanlalchuana

4)  Tv Lalnunkima              5)  Tv K.Lalramnghaka    6)    Tv PH Tlanglawmpuia

7)  Pu K. Lalmuankima       8)  Tv F. Vanlalpeka         9)    Tv Lalringngheta

10) Tv H. Lalropuia

10.     KOHHRAN INKHAWMA HLA HRILTU TURTE:-

1)    Nl K.Lalhmunzauvi       2) Nl C.Rozampuii      3) Nl H.Lallungawii

2)    Nl C.Lalnithangi            5) Nl F.Lalrodingpuii  6) Nl K.Lallawmawmi

PRESBYTERIAN LOGO HRILHFIAHNA

PCI THURIN

THURIN - I Thuthlung Hlui leh Thuthlung Thar Bute hi Pathian Thu a ni a, heng chauh hi rinna leh thiltih tehna dik lo thei lo a ni.

THURIN - II Pathian pakhat chauh a awm a, Amah chauh chu biak tur a ni. Amah chu Thlarau, mahnia awm a, hmun tina awm, thlarau dang zawng zawng leh thil dang reng reng laka hrang si a ni a. A miziaah te, finnaah te, thiltihtheihnaah te, thianghlimnaah te, diknaah te, thatnaah te, taknaah te leh hmangaihnaah te tawp chin nei lo, chatuan mi, danglam ngai lo a ni.

 THURIN - III Pathianah chuan mi nung pathum, Pa leh Fapa leh Thlarau Thianghlim an awm a, an pathum hian Pathian pakhat an ni a, nihna thuhmun, thiltihtheihna leh ropuinaa intluk an ni.

 THURIN - IV Lei leh van leh a chhunga thil awm zawng zawng siamtu Pathian chuan mihring hi, hriatna, felna leh thianghlimnaa Ama anpuiin mipaah leh hmeichhiaah a siam a. Mi zawng zawng hi bul thuhmun leh chhungkaw khata unau anga inthui khawm vek kan ni.

 THURIN - V Mihringte chuan anmahni duh thu ngeiin Pathian dan an bawhchhia a, thiam lohna leh chhiatnaah chuan anmahni an inbarh lut ta a. Chu thiam lohna leh chhiatna leh sual hremna ata chu anmahni chhan chhuak tur leh chatuan nunna pe turin hmangaihna tawp nei lo Pathian chuan, A chatuan Fapa neih chhun Lal Isua Krista chu khawvelah a rawn tir a; Ama zarah chauh chuan mihringte hi chhandamin an awm thei a. Chu chatuan Fapa chu mihring takah a lo chang a, mi nung pakhat mize pahnih nei, Pathian tak leh mihring tak a ni kumkhua ta a ni. Thlarau Thianghlim thiltihtheihnain nula thianghlim Mari chuan a pai a, a hring a; mahse, sual a nei lo. Mi sualte tan Pathian dan chu a zawm famkim a, Pathianin dikna a phut hlen chhuak tur leh mihringte Pathian remtir turin, inthawina tak leh famkim atan a inhlan a, kraws-ah a thi a, phumin a awm a, ni thum niah mitthi zing ata a tho leh a. Pathian ding lamah a han chho va, chutah chuan a mite tan a dilsak reng a, chuta tang chuan mitthite kai tho tur leh khawvel rorel turin a lo kal leh ang.

 THURIN - VI Thlarau Thianghlim, Pa leh Fapa ata lo chhuak chuan mihringte chu chhandamna changtuah a siam a, an sualzia leh chungpikziate a hriat chiantir a. Krista hriatna kawngah an rilru a tivar a, an duhthlannate chawk thovin, Isua Krista chu an Lalpa leh Chhandamtua pawm tura ngenin, pawm thei turin a pui a, anmahniah felna rah chi tinreng a thawk chhuak thin.

THURIN - VII Pathianin Kristaah chuan mi zawng zawng hnenah chhandamna famkim chu a thlawnin a rawn hlan a, an sualte simtir leh Lal Isua Krista chu an chhandamtu atana ring tur te, Amah entawn a, Pathian duh ang taka inngaitlawm leh thianghlima nung tur tein thu a pe a. Krista chu ringa, a thu zawmtute chu chhandam an ni a, sual ngaihdamna te, thiam chantirna te, Pathian fa nihna te, Thlarau Thianghlim chanpuina azara tihthianghlimna te, chatuan ropuina te an chang a. Ringtute chuan tun dam chhung pawhin chhandam nih inhriat chianna lawmawm tak chu an chang thei a. Thlarau Thianghlim chuan khawngaihna hna a thawhin, Thu te, Sakramen te, |awngtaina te hi hmanruaah a hmang deuh bik thin a ni

THURIN - VIII Krista din chhuah Sakramen-te chu Baptisma leh Lalpa Zanriah te hi an ni. Baptisma chu Pa leh Fapa leh Thlarau Thianghlim hminga tuia sil a ni. Hei hi Krista nena kan inzawmna te, Thlarau Thianghlim zara piantharna leh tihnunna chhinchhiahna leh nemnghehna a ni a, Lalpa hnena kan inhlanna thiltih a ni bawk. An sualte sim a, Krista chu an chhandamtu atan an ring tih puangtute leh an fate chantir tur a ni. Lalpa Zanriah chu Krista thihna hriat reng nana chhang leh uain chan ho hi a ni a, ringtuten Krista thihnaa hlawkna an chan chhinchhiahna leh nemnghehna a ni. Ama mite chuan Amah leh a inhlanna an pawmzia te, an hlawkpuizia te, a rawngbawl tura an inpek zelna te, Amah an pawlna leh mi dang nena an inpawlna te entir nan, A lo kal leh hma loh chuan an chang ho thin tur a ni. Sakramen hlawknate chu Krista malsawmna avang leh rinnaa changtuah Thlarauvin a thawh avanga lo awm a ni.

THURIN - IX Ringtu zawng zawng tih tur chu Kohhran inpawl honaa tel te, Krista Sakramen leh a thil serh dang vawn that te, A dan zawm te, tawngtai zel te, Lalpa Ni serh thianghlim te, Amah be ho tura inkhawm te, A thu hril ngun taka ngaihthlak te, Pathian malsawmna an dawn ang zela hlim taka pek ve thung te, anmahniho zingah leh mi zawng zawng zingah Krista nungchang ang tihlan te, khawvel puma Krista ram tizau tura beih te, ropui taka a lo kal lehna hun nghah te hi a ni.

THURIN - X Ni hnuhnungah chuan mitthite chu kaihthawhin an awm ang a, mi zawng zawng Krista rorelna thutphah hmaah an lang ang a, he dam chhunga an thiltih that leh that loh ang zelin relsak an ni ang. Ringlote leh mi sualte chuan thiam loh changin an sual hremna an tuar ang; Krista ring a, a thu zawmtute erawh chu a langchanga thiam chantirin an awm ang a, ropuinaa lawm luhin an awm ang.

PCI THURIN(English)

Article I The Scriptures of the Old and New Testaments are the Word of God and the only infallible rule of Faith and duty.

Article II There is but one God, and He alone is to be worshipped, He is a spirit, self-existent, self-omnipresent, yet distinct from all other spirits and from all material things; infinite, eternal, and unchangeable in His being, wisdom, power, holiness, justice, goodness, truth and love.

 Article III In the Godhead there are three persons, the Father, the Son and the Holy Spirit, and these three are one God, the same in substance, equal in power and glory.

 Article IV God who created the heaven and the earth and all things therein, created man, male and female, after His image, in origin, and are brethren.

Article V Man by his own free choice has transgressed God’s law and thereby has involved himself in guilt and corruption. To save man from the guilt, corruption and penalty of sin, and to give them eternal life, God in his infinite love sent into the world His eternal and only – begotten Son the Lord Jesus Christ, in whom alone man can be saved. The Eternal Son became true man and so was and continues to be the Son forever. He was conceived by the power of the Holy Spirit and born of the Virgin Mary, yet without sin. For sinful men He perfectly obeyed the law of God, and offered Himself a true and perfect sacrifice to satisfy divine justice and reconcile man to God. He died on the Cross, was buried and rose again from the death on the third day. He ascended to the right hand of God where He makes intersession for His people, and whence He shall come again to raise the death and to judge the world.

Article VI The Holy Spirit, who proceeds from the Father and the Son, makes man partakers of salvation convincing them of their sins and misery, enlightening their minds in the knowledge of Christ, renewing their wills, persuading and enabling them to accept Jesus Christ as Lord and Saviour, and working in them all the fruits of righteousness.

 Article VII God in Christ makes a full and free offer of salvation to all men, and commands them to repent of their sins to believe in the Lord Jesus Christ as their Saviour, and to live a humble and holy life after His example and in obedience to God’s revealed will. Those who believe in Christ and obey Him are saved, receiving forgiveness of sins, justification, adoption as sons of God, sanctification through the indwelling of the Holy Spirit and eternal glory. Believers may also in this life enjoy assurance of their salvation. In His gracious work the Holy Spirit uses the means of grace especially the Word, sacraments and prayer.

 Article VIII The sacraments instituted by Christ are Baptism and the Lord’s Supper. Baptism is the washing with water in the name of the Father and of the Son and of the Holy Spirit and is a sign and seal of our union to Christ, of regeneration and renewing of the Holy Spirit, and of our giving ourselves to the Lord. It is to be administered to such as repent of the sins and profess faith in Christ their Saviour, and to their Children The Lord’s Supper is the partaking of the bread and the cup as a memorial of Christ’s death and is a sign and seal of the benefits thereof to believers. It is to be observed by His people till He comes, in token of their faith in Him and His sacrifice, of their appropriation of its benefits of their further giving of themselves to serve Him, and of their communion with Him and with one another. The benefits of the sacraments are not from any virtue in them or in him that administers them, but only from the blessing of Christ and the working of His Spirit in them that by faith receive the Sacrament.

 Article IX It is the duty of all believers to unite in church fellowship, to observe the sacraments and other ordinances of Christ, to obey His laws, to continue in prayer, to keep holy the Lord’s Day, to meet together for His worship, to wait upon the preaching of His Word, to give as God may prosper from them, to manifest a Christ-like spirit among themselves and towards all men, to labour of the extension of Christ’s kingdom through the world, and to wait for His glorious appearing.

Article X At the last day the death shall be raised and all shall appear before the judgment seat of Christ and shall be judged according to the deeds done in this present life whether good or bad, the unbelieving and the wicked, being condemned, shall suffer the punishment due to their sins, but those who have believed in Christ and obeyed Him shall be openly acquitted and received into glory.

Khawngaihna Mak Mawi leh Duhawm Puahtu -John Newton chanchin

Naupan lai atangin misual tak a ni:

Pu John Newton-a hi kum 1725 khan Eglanad-ah a piang a. Nu fel tak Pathian tih em em tu a nei a; mahse a nu hian Pathian thute hrilhin tawngtai sak thin mah sela naupang sual leh chimawm tak a ni der mai. Kum 16 a tlin hmain mi hauhte, mi kutthlakte leh anchhe lawh tlengin a ching ta. Ama sawi dan phei chuan, “ Sual kha ka hmangaih tlat a, ka kalsan thei lo a ni” a ti hial.Lawng Sipai lamahKum 20 a tlin hma deuhin lawng mite bula khawsak a chak tlat a. Hei hi engdang vang ni lovin hetih hunlaia lawnga hnathawkte hi an sual em em vang a ni ber.

 England Navy-ah a tang ta.

 Mahse a ngaih ang ngawtin thil a lo ni hauh lo mai. Inkhuahkhirhnate kha rin aiin a lo khauh a. Vawi tamtak bana tlanchhuah a tum a mahse a tum angina awm thei lo.Tum khat phei chu an lawng captain thah a tum ta tlat mai. Sawi tawh ang khan amah hi misual tak kha a ni hrim hrim tawh. Mahse a that thei mai bik hauh lo. Lawng sipai atangin a tlan bova Africa khawthlang lam vaukamah a pit ru chhuak daih mai.

Bawih sumdawnna lamah a tel ve ta

Lawng Sipai atanga a ban hnu khan Sumdawnna rot hap leh tha lo tak mai mahse a hun laia engahmah an ngaih loh Bawih sumdawnna chu 1746 khan a tan ve ta. Kha tih hunlaia Bawih-a an lei leh hralh thin midumho dinhmun khawngaihthlakawmzia kha kan hre theuh awm e.Pu John Newton-a pawh kha a sual chho zel a. Rawng tak leh maksak tak taka bawih a enkawl chang lah a tam.Pathian lam a hawi ve taKum 1748 March thlaa England an panna lawnga an hawnna lamah thlipuiin a nuai ta vak mai. Lawng chu thunun thei lovin tuipui thuk lamah Thlipuiin a len zel a; Newtona pawh a mangang ve ta. Chutah tak mai chuan tunhma ang lo takin Bible chhiarin a tawngtai ve hiel a ni. “ Ka hlauhna zawng zawng aia nasa zawkin beiseinamuanawm tak ka nei ta zawk a ni” tiin helaia Pathian awmpuina a chan thu hia ziak hial a ni.Bawiha sumdawn a bansan chuang loLawnga thlipuiin a nuai vak vak hnu hian Ireland leilung chu a rap ve ta hram a. A thiltih sual zawng zawngte chhut letin 

Pathian lam a hnaih chho ve ta zel.

 Mahse kum khat pawh a ral lotihin bawiha sumdawnna lam bawk chu a ti leh ta a. Mahse na takin Africa lamah a awm laiin a dam lova, chuan simna nghet neih tumin a rilru a lo siam ve ta a ni.Lawng ama paulin a nei veHemi a zin hawn hnu hian nupui a nei a. Lawng mama pualin a nei ta bawk a. Chutah chuan inkhawmnate siamin pastor angin amah hian rawng a bawl ta a. Mahse bawiha sumdawn chu a hunlai khan kristiante tih loh tur a nih leh nih loh pawh a ngaihtuah chhuak mai bik lo.

Inhmuhchhuahna duhawm chu

Hemi hnu hian ama lawng ngeiin vawi 3 zet bawih a phur khawm leh a. Mahse a vawi 3-na hnuah chuan a chhia leh tha hriatnain bawih hmanga sumdawnna chu a tha lo a ni tih a hrilh thei ta. An kawl bun leh khaidiatte chuan a rilru a la ta tlat mai le. Amahahinthiamlohna lian tak a pei chho ta.Tih danglam a lo ni ve taBawih ho Khaidiat leh kawl bunin a chhia leh tha hriatna a tihbuai hnu chuan a mihring puite chunga khawngaihna lantir turin a tawngtai ve a. A hun laia thusawi thiam leh Pathianhman George Whitefield-a thusawi a ngaithlaa chu chuan a rilru a aia nasa zawkin a khawih dang lam a. Chuta tang chuan Anglician Kohhranah misiter atan nemngheh a ni a. Rawngbawlna hlawhtling tak BuckinghamshireOlney-ah leh London-ah te a nei nghe nghe ni. 

Hun harsa tamtak tawktu leh Pathian ngaihsak tha duh miah lo hian Pathian khawngaihna mak , mawi leh duhawm tak a lo chang ve hi a ropuina piah lamah Pathianin a hman nasatzia hi awih har tak a ni hial a ni. A hlate- Khawngaihna mak mawi leh duhawm, Nangma thil ropuite an sawi, Isua hming hi a va tha em leh a dangte hi belhchian a dawlin kristiante tan kan Tharau nun chawmtu a ni reng thin a ni.

KOHHRAN DIK LEH DIK LO

Pathian ro hlu ber KOHHRAN hriat fuh loh na avangin inthendarhna pawl hrang hrang (DENOMINATIONAL CHURCHES) lo piang ta teuh mai hi KRISTA tawngtaina eng atanga enin, SETANA bumna rapthlak tak a ni (Johana 17:6-26) Kohhranah hian Kristian tak leh lem an awm thin tih kan hre theuh va, a nih leh Kohhran pawl dik lo an awm ang em? Bible thu leh kawvela kan hmuh dan hi ngun takin chhui ila, Kristian lem an awm ang bawkin, Kohhran lem an awm ngei ang tih a lang.

A nih leh i Kohhran awmna kha a tak nge a lem tih engtinnge i hriat theih ang? Kohhran dik awmdan tur pali(4) an sawi thin chu :- (1) Pumkhat (2)Thianghlim, Krista thisena sil (3)Huapzo, lei leh van mi zawng zawng huap (4)Apostol-te din leh an zirtirna anga kal zel.

 Mahse hei hian kan sawi tum Kohhran dik leh diklo ah hian min ti fiah tawklo khawp mai...Tin, Kohhran dik chu Pathian Thlarau hruai a ni ngei tur a ni tih kan hre theuh va, mahse hei pawh hi Thlarau hruai kan tih leh Thlarau hnathawh kan tih hi a inang lo a, kan Kohhran ngei hi Thlarau hruai a ni tiin kan inchuh leh mai lo ang maw??? Engpawh chu lo nise Kohhran dik leh lem hriat nan engti kawng zawng in nge kan thlir tak ang le???? Kohhran dik leh dik lo lan chhuahna chu ti zawng hian i han sawi dawn teh ang:

 1. AN THURIN INNGHAHNAAH : Kohhran dik chuan Chhandamna chu Isua Krista rin chauh a ni, an ti a. Miin Isua Krista chu Chhandamtu atan a pawm a , a tan a inpek tak zet chuan chhandam a ni, an ti. Amaherawhchu mi in Lal Isua a rin a, chhandam a lo nih veleh khan a tan nih tur leh tih tur a tam ta em em a, eng kawng pawha zirtir leh kaihhruai a tul zui ta a ni, an ti. Kohhran dik lo erawh chuan Isua Krista rin chu an ti ve ngei a, mahse chhandam nih phah leh nihloh phah tur thil dang an rawn lek tel thin. An rawn lek tel chu, Isua kawptu atan biak leh rin dang neih tel te, pawm tel te, pawn lam lan dan te, a then phei chu chher chawp. Thuthlung Thar zirtirna tlangpui nena inrem lo te a ni. Chher chawp lo pawh, an pawl tih dan kha chhandam nih phah leh nih loh phahna ni turin an sawi pawimawh a ni. Chuti chu an nih avangin chhandamna hi pawlah an khurkhung a, an pawla mi chauh chhandam ni turin an sawi. Khawvelah chutiang chu pawl hrang hrang sawi tur an tam awm e, chuvangin chhandam nih nana Isua Krista rin tluka pawimawh rawn lek tel an tam tawh hle a ni.

2. THAWH DANAH : kohhran dik chuan Krista tan an thawk a, Krista tan chauh thahnem an ngai a ni. Krista hnena thlarau bo hruai pung si lo va, khawvela an pawl tihpun vak mai hi an tum ngailo, duh pawh an duh hek lo. Kohhran dik lo erawh chuan, Krista tan ti chung si in an pawl tihpun tumin an thawk ber thin. Krista hnena mite/Tlarau bo te hruai pung chuang silovin, an pawl tihpun nan Pathian ringtute an tibuai thin.

 3. AN THIL NGAIH PAWIMAWHAH: Kohhran dik chuan Krista ringtute tana pawimawh an tih ber chu, Krista duhzawng rilru put leh a duhzawnga nun hi a ni a, chutiang zirtir nan an inhmang zo ber thin a ni. He mi tello chuan pawn lam lan dan leh thil tha dangte pawh hi tha tak tak a awm theilo. Kohhran dik lo erawh chuan, Krista duhzawng a pawimawh an ti ve tho a, mahse Isua Krista tluk in an pawl tih dan leh bawlhlo vel an ngai pawimawhin, rilru leh nungchang aiin thupuiah an sawi pawimawh zawk thin. Krista duhzawng ni bera an hriat chu pawn lam thil leh a bawlhlo hi a ni ber thin.

 4. TAN TLAN DANAH : Kohhran dikte chuan an pawl kha lo hrang mah se, an tih dan leh lan dan dang deuh mah se, an thurin innghahna leh an thawh tum dan leh an ngaih pawimawh a lo inang vek mai a, chuvangin an inhmu thiam chauh pawh nilovin, tan tal/thawh ho leh intihsawt tawn an tum thin. Intihbuai tawn an tum lo hle. Kohhran diklo erawh chuan an pawla mi an tih anga tite chauh chhandam tling thei turin an sawi a, Kohhran dang tumah an rem lova, tumah in an rem heklo, an mahni lah an inngeih heklo. An Kohhran mite chauh chhandam ni turin an sawi thin.

 Mitin hian Pathian ah zalenna thianghlim kan nei a, chu zalenna chungah chuan, thutak zawn theihna(FREEDOM OF CONSCIENCE) kan nei tih hre rengin, mimal/mipui ngaihdan te, pawl ngaihdan te mai ah innghat lovin, Bible eng ah kan en zawk a dik fo vang. Mi ngaiha kawng dik ni anga lang, a tawp thihna ni si a awm tih hre rengin fimkhur a hun tawh takzet a ni(Thufingte 16:25). Heng bak ah hian sawi tur tamtak a awm ngei ang mahse heng tlemte kan sawi te pawh hian Kohhran dik leh dik lo lan dan i thlir thiam theih nan a tanpui theih ngei che ka beisei... Engpawh nise tuna i Kohhran awmna khaw Krista Kohhran dik tak ngei a nih leh nihloh chu i hrethiam ruai ruai tawh ang...

KOHHRAN NIHNA LEH AWMZIA

Kohhran kan tih hi khawvela a lan dan ang han sawina a awm a, Thutlung Thar sawi dan, a nih ang tak sawina a awm bawk a, a pahnih hian hriat chian a țha a ni.

 Khawvela a lan dan ang sawina chu hei hi a ni:- "KOHHRAN chu, Krista ringtute pawla indin, Pathian Thu- Thuthlung Hlui leh Thuthlung Thar, dik taka pawm a, dik taka zirtir; Lal Isua siam chhuah sakrament pahnih- Baptisma leh Lalpa zanriah, dik taka hmangtute hi an ni". Hetah hian Kohhran han tih phawt mai hian tute nge a huap a, tute nge a huap loh a lang chiang tawk a, sawi sei pawh a țul lo ve.

Thuthlung Thar in, thlarau lama a nih ang tak a sawina thung chu, a tawi zawngin ti hian sawi i han tum teh ang- "KOHHRAN chu Krista'n Ama tan, Amahah nghatin a din a ni a, mitthi khaw kulh kawngkhar pawhin a ngam loh tura a din a ni" (Mat 16:18; Kol 1:16-18). A dintu leh a nghah chhan a ropuiin a nghet ani. "A thisena a lei a thil siam thar a ni". (Tirh 20:28; II Kor 5:17). Ni ruk(6) chhunga a thil siam zingah khan a siam tel lova, rei tak hnuah thu chauh ni lovin a thisena a thil siam thar a ni. "Thlarauva, Pathian awmna tur Biak In Thianghlim",(Ephesi 2:21-22) leh "Pathian chhuangte, thutak ban leh innghahna a ni" ( I Tim 3:15; Heb 3:6).

Khawvelah Pathianin chhungkuaa a rawn neih, a chenkualna ber a ni a, Chhandamna Thutak kawltu leh lekkawhtu atan a hmanga, chu chu mi dang tumah sawrkar leh khawtlang lam thila pawl engmah hi a kawltir ngailo, a Kohhran chauhvin an kawl ani. "Krista Mo a ni" (Thup 21:9) Kristan pumkhat atan, thlarau lam fahringtu atana a hman, thikthu chhe taka a tana a hauh tlat a ni.

 Lei Kohhran la fimkim rih lo em em mah hi hetiang tak hian Pathian ngaihin a hluin a pawimawh a, a famkim hunah phei chuan a va hlu dawn em!!!!! chuvangin a enkawltute leh Kohhran mite pawh hi Pathian ngaihin kan pawimawh a ni.